मुंबई : कोरोना काळात शासकीय भरतीवर घालण्यात आलेले निर्बंध उठविण्याचा निर्णय राज्य सरकारने घेतल्याने जिल्हा परिषदांमध्ये रिक्त असलेल्या सुमारे सहा हजार ५०० रिक्त जागा भरण्याचा मार्ग मोकळा झाला आहे. कोरोना काळात शासकीय भरतीवर लागू केलेले निर्बंध उठविण्यात आले असून या रिक्त पदांच्या ८० टक्के जागा भरण्याचा आदेश ग्रामविकास विभागाकडून जिल्हा परिषदांना दिला आहे.

जिल्हा परिषदांमध्ये कोरोनाच्या दोन वर्षांपासून भरती प्रक्रिया रखडली होती. ही भरती प्रक्रिया पुन्हा कधी सुरू होणार याकडे इच्छुक उमेदवारांचे लक्ष लागले होते. त्याचप्रमाणे जिल्हा परिषद कार्यालयांत येणारा अतिरिक्त ताण लक्षात घेऊन कार्यालयांतील गट ‘क’ च्या अंतर्गत येणारी सर्व संवर्गातील ८० टक्के जागा भरण्याच्या सूचना ग्रामविकास विभागाकडून देण्यात आल्या आहेत. यामधून वाहनचालकांच्या पदे वगळली आहेत