मुंबई - देशात 5 जी नेटवर्क (5 g network) सुरु होणार असे कळताच बॉलीवूडची (bollywood actress juhi chawala) प्रसिध्द अभिनेत्री जुहीनं न्यायालयात धाव घेतली होती. कोर्टानं तिला केवळ हे प्रसिध्दीसाठी करत असलेले प्रकार आहेत असेही म्हटले होते. आता जुहीनं तिचा एक व्हिडिओ पोस्ट केला आहे. त्यात तिनं न्यायालयाला असं आवाहन केलं आहे की, मी 5 जी च्या विरोधात नाही. मात्र आम्हाला सुरक्षेचे सर्टिफिकेट द्यावे. यामुळे ती पुन्हा एकदा चर्चेत आली आहे. (5g case juhi chawla new video not against 5g just give us the certificate of security)

गेल्या आठवड्यात जुहीनं 5 जी रेडिएशनच्या (court filed case) विरोधात न्यायालयात धाव घेतली होती. त्यामुळे ती चर्चेत आली होती. त्यावर कोर्टानं तिला हे केवळ प्रसिध्दीसाठी केलेले स्टंट (publicity stunt) होते का असाही प्रश्न विचारला होता. तसेच कोर्टाच्या सुनावणीचे व्हिडिओ तिनं सोशल मीडियावर व्हायरल केल्यानं कोर्टानं तिला 20 लाख रुपयांचा दंडही ठोठावला होता. त्यावर जुहीनं पुन्हा एक पोस्ट शेअर केली आहे. त्यात तिनं 5 जी ला विरोध नाही. तर मग आम्हाला सरकारनं सुरक्षेची हमी द्यावी. असं म्हटलं आहे.

जुहीनं म्हटलं आहे, गेल्या काही दिवसांपासून या प्रकरणावर मोठा वाद झाला आहे. त्यातून मला जे काही सांगायचे होते ते हरवले आहे. मी काही 5 जी च्या विरोधात नाहीये. मला फक्त सुरक्षेचा प्रश्न मांडायचा होता. जो मी मांडला. जे कोणी 5 जी च्या नेटवर्कचे काम करणार आहेत. त्यांनी सर्वांच्या सुरक्षेची हमी द्यावी. अशी विनंती मला त्यांना करायची आहे. त्यासाठी त्यांनी आम्हाला सेफ्टी सर्टिफिकेट द्यावे.

कारण 5 जी नेटवर्क हे लहान मुलं आणि गर्भवती महिलांसाठी घातक आहे. त्यांनाही सेफ्टी सर्टिफिकेट द्यावे. जुहीनं तिच्या सोशल मीडिया अकाऊंटवरुन एक मिनिटांचा व्हि़डिओ शेअर केला आहे. त्यात ती म्हणते, गेल्या काही दिवसांपूर्वी जो काही वाद झाला त्यामुळे मी माझा आवाजही व्यवस्थित ऐकु शकलेले नाही. मी आगामी काळात भारतात येणा-या 5 जी नेटवर्कचे स्वागतच करते. मात्र मला एवढेच सांगायचे आहे, संबंधित यंत्रणेनं आम्हाला सुरक्षित आरोग्याचे सर्टिफिकेट द्यावं.