Aadesh bandekar : आदेश बांदेकर म्हणजे अवघ्या महाराष्ट्राचे भाऊजी. होम मिनिस्टर या मालिकेतून ते घराघरात पोहोचले. नाटक, मालिका, चित्रपट अशा तिन्ही माध्यमात आदेश बांदेकर यांनी मुशाफिरी केली.एवढच नाही तर सामाजिक आणि राजकीय क्षेत्रातही त्यांचे मोठे योगदान आहे. आदेश बांदेकर यांची खास बात म्हणजे त्यांचे बालपण लालबाग- परळ मध्ये गेल्याने मुंबईतल्या गणेशोत्सवाशी त्यांचे एक वेगळे नाते आहे. शिवाय त्यांच्या घरी देखील गणपती असतो. त्यांच्या गणपतीचे नुकतेच विसर्जन झाले. त्याचा एक खास विडिओ आदेश बांदेकर यांनी शेअर केला आहे. (aadesh bandekar shared video his ganpati visarjan)

सध्या जल प्रदूषणामुळे गणपती विसर्जन हा प्रश्न ऐरणीवर आलेला आहे. कृत्रिम तलावांची उभारणी करून त्यामध्ये गणेशमूर्ती विसर्जन करण्याकडे भर दिला जात आहे. अनेक जन घरच्या घरी विसर्जन करतात. आपल्या घरच्या बाप्पाला आगळ्यावेगळ्या पद्धतीने निरोप देणारा असाच एक खास विडिओ आदेश बांदेकर यांनी आपल्या सोशल मीडिया अकाऊंट वरुन शेअर केला आहे.

आदेश बांदेकर यांकडे सात दिवसांचे बाप्पा विराजमान झाले होते. बांदेकरांच्या गणपतीला शंभर हुन अधिक वर्षांची परंपरा आहे. त्यांच्या घरचा गणपती बघण्यासारखा असतो. यंदा तर त्यांनी प्रत्येकाने आदर्श घ्यावा असे विसजन केले आहे. त्याचा विडिओ आता व्हायरल होत आहे. या व्हिडिओमध्ये बाप्पाची मूर्ती तिच्या स्थानापासून आपोआप वरती जाते एका देवघरासारख्या जागेत ठेवली जाते. आणि त्यांनतर आपोआप एका बॉक्समध्ये बंद होते. गणपती यांत्रिकी पद्धतीने पाण्यात विसर्जित होतो. ही तयारी त्यांच्या भावाच्या इमारतीखालीच केलेली दिसते. त्यामुळे घरच्या घरी पण अनोख्या पद्धतीने हे विसर्जन करण्यात आले.