Aashka Goradia Blessed With Baby: टिव्ही मनोरंजन विश्वातून एक आनंदाची बातमी समोर आली आहे. नागिन फेम अभिनेत्री आशका गोराडिया ही आई झाली आहे. तिने एका गोंडस मुलाला जन्म दिला आहे. आशका गोराडिया आणि ब्रेंट ग्लोब यांनी त्यांच्या पहिल्या बाळाचे स्वागत केले आहे. स्वत: अभिनेत्रीनेच या वृत्ताला दुजोरा दिला आहे.
आशका गोराडिया आणि ब्रेंट ग्लोब यांनी सोशल मिडियावर पोस्ट शेयर करत ही गोड बातमी चाहत्यांनी दिली आहे. यासोबतच त्यांनी सोशल मिडियावर बाळाचा पहिला फोटो आणि नावही जाहिर केलं आहे.
हा फोटो पोस्ट करत त्याने कॅप्शनमध्ये लिहिले आहे की, 'आज सकाळी 7:45 वाजता विल्यम अलेक्झांडर या जगात आला आणि थेट आमच्या हृदयात गेला. जरी मला माहित आहे की माझे जीवन या दिवसापूर्वीही अस्तित्वात होते, मला त्याबद्दल फारच कमी आठवते. आतापासून, मी मरेपर्यंत अॅलेक्सचा बाबा असेन.
देवाच्या कृपेने आशकाने त्याला जन्म दिला आहे. ती आता विश्रांती घेत आहे, तिच्या शेजारी आमचे लहान बाळ आहे. आमचे अंतःकरण इतके जड कधीच नव्हते. असे प्रेम मी कधीच पाहिले नाही. आणि आता दररोज, माझ्याकडे देवाच्या अस्तित्वाचा जिवंत पुरावा असेल.’’
आता त्यांची ही पोस्ट सोशल मिडियावर व्हायरल होत आहे. चाहते या जोडाप्याचे कौतुक करत आहेत. जुही परमार, आमिर अली, रिद्धिमा पंडित, जन्नत जुबेर, किश्वर मर्चंटपासून मौनी रॉय अशा अनेक कलाकारांनी या जोडप्याचे अभिनंदन करत आहे.
1 डिसेंबर 2017 रोजी आशकाने ब्रेंट गोबलशी ख्रिश्चन आणि हिंदू पद्धतीने विवाह केला होता. ब्रेंट हा व्यवसायाने व्यापारी आहे. तर कुसुममधील 'कुमुद' आणि लागी तुझसे लगनमधील 'कलावती' या भुमिकेने आशका घराघरात पोहचली.
नागिन मालिकेतही तिने काम केले आहे. 'फिअर फॅक्टर: खतरों के खिलाडी', 'बिग बॉस' आणि 'नच बलिये' यांसारख्या रिअॅलिटी शोमध्येही ती दिसली आहे. काही दिवसांपुर्वी ती डायन मालिकेत दिसली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.