Charlie Sheen, Malibu: हॉलिवूड अभिनेता चार्ली शीन हा त्याच्या हिट सिनेमामुळे चर्चेत असतो. मात्र आता तो वेगळ्याच कारणाने चर्चेत आला आहे. अभिनेता चार्ली शीनवर त्याच्या मालिबू येथील घरी प्राणघातक शस्त्राने हल्ला करण्यात आला आहे.

हल्ला करणाऱ्या एका संशयिताला पोलिसांनी अटक केली आहे. हल्लेखोर एक महिला होती जी जबरदस्तीने त्याच्या घरात घुसली आणि तिने अभिनेत्यावर हल्ला केला.

ही घटना मध्यरात्री 1 च्या सुमारास ही घडली. जेव्हा शीनने दारावर ठोठावल्याचा आवाज ऐकला त्याने दार उघडल्यानंतर एक महिला त्याच्या मालिबू येथील घरात शिरली. मिडिया रिपोर्टनुसार, आरोपी इलेक्ट्रा शॉकने मारामारीदरम्यान अभिनेत्याचा शर्टही फाडला आणि त्याचा गळा दाबण्याचा प्रयत्न केला.

त्यानंतर शीनने पोलिसांना कॉल केला आणि अधिकारी आणि पॅरामेडिक्स घटनास्थळी पोहोचले. या हल्ल्यात अभिनेत्याला गंभीर दुखापत झालेली नाही.

आरोपी श्रॉकला त्याच्या घरी अटक करण्यात आली आणि तिच्याकडून शस्त्र जप्त करण्यात आले असून चोरीसह प्राणघातक हल्ल्याच्या आरोप करत तिला अटक करण्यात आली आहे. ती शीनची शेजारीण असल्याचे बोलले जात आहे.

या हल्ल्याच्या आदल्या दिवशी शीनच्या कारवर चिकट पदार्थ टाकल्याचा आणि त्याच्या दारात कचरा फेकल्याचा आरोपही तिच्यावर आहे.

58 वर्षीय शीन हा अभिनेता मार्टिन शीनचा मुलगा आहे. तो हॉलीवूडचा बॅड बॉय म्हणुन तो कुख्यात आहे. अमली पदार्थांचे सेवन, हिंसाचार आणि पोर्न अभिनेत्रींसोबतच्या संबंधांसाठी तो चर्चेत असतो. तो "प्लॅटून," "वॉल स्ट्रीट" आणि "यंग गन्स" या चित्रपटांमध्ये दिसला आहे. "स्पिन सिटी" आणि "टू अँड ए हाफ मेन" या मालिकेतही तो दिसला आहे.