प्रसिद्ध मालिका 'महाभारत'मध्ये श्रीकृष्णाची भूमिका साकारणारे अभिनेते नितीश भारद्वाज (nitish bharadwaj) यांनी नुकताच दिवंगत अभिनेता सुशांत सिंग राजपूत (sushant singh rajput) आणि अभिनेत्री सारा अली खान(sara ali khan) यांच्याबाबत मोठा खुलासा केला आहे. रिया चक्रवर्तीने एनसीबीला दिलेल्या जबाबात तिने म्हटले होते की, सारा अली खाननं काही अंमली पदार्थांची मागणी केली होती. रियानं सुशांत ड्रग्ज प्रकरणामध्ये सारा अली खानचे नाव घेतल्याचे समोर आले होते. तर सारानेही केदारनाथ चित्रपटाच्या शूटिंगदरम्यान सुशांत मादक पदार्थंचे सेवन करत होता, असे सांगितले होते. आता या सर्व प्रकरणावर अभिनेते नितीश भारद्वाज यांनी त्यांचे मत व्यक्त केले आहे.(actor nitish bharadwaj on sushant singh rajput sara ali drugs controversy)

सारा आणि सुशांतबद्दल नितीश यांचे मत

'ई टाइम्स'ला दिलेल्या मुलाखतीमध्ये नितीश यांनी सांगितले की, 'मी सुशांत आणि साराला नशेमध्ये कधीच पाहिले नव्हते. सुशांत सिगारेट ओढायचा, पण त्याची बुद्धी नेहमी तल्लख असायची. ड्रग्जचं सेवन करणाऱ्या माणसाची बुद्धी आणि डोकं इतक्या जलदगतीने काम करत नाही. तो नेहमी माझ्यासोबत विज्ञान आणि ग्रह, ताऱ्यांबद्दल बोलत होता.' नितीश आणि सुशांत-सारा यांनी 'केदारनाथ' चित्रपटात एकत्र काम केलं होतं.

नितीश यांनी हे देखील सांगितले की सुशांतने त्यांना एकदा घरी येण्यासाठी आमंत्रण देखील दिले होते. त्यावेळी ते यायला तयार देखील झाले होते. नितीश भारद्वाज यांनी केदारनाथ चित्रपटामध्ये साराच्या वडिलांची भूमिका साकारली होता.