मुंबई - हॉलीवूडमधील (hollywood) ज्या प्रख्यात अभिनेत्री आहेत त्यात स्कार्लेट जॉन्सनचं (scarlett johnson) नाव प्राधान्यक्रमानं घ्यावं लागेल. सोशल मीडियावर अॅक्टिव्ह असणारी स्कार्लेट ही सध्याच्या घडीला जगातील सर्वाधिक लोकप्रिय अभिनेत्री आहे. ती तिच्या वेगवेगळ्या लुकमुळेही चर्चेत असते. आताही ती चर्चेत आली आहे. त्याचे कारण तिनं जगातील सर्वात मोठ्या प्रॉडक्शन हाऊसच्या विरोधात न्यायालयात घेतलेली धाव. यामुळे जॉन्सन सोशल मीडियावर ट्रेडिंगचा विषय आहे. ब्लॅक विडोमध्ये (black widow) तिनं केलेल्या अभिनयामुळे ती सर्वांच्या पसंतीस उतरली होती. त्या चित्रपटामुळे तिला सर्वदूर प्रसिद्धी मिळाली. (actress scarlett johansson sues disney over black widow streaming release yst88)

आता स्कार्लेटनं ब्लॅक विडोच्या निर्मात्यांना कोर्टात आव्हानं दिलं आहे. या चित्रपटाचं वितरण डिस्नी हॉटस्टारनं केलं होतं. जोन्सनच्यावतीनं लॉस एंजेलिसच्या कोर्टात खटला सुरु आहे. डिझ्नीनं केवळ हा चित्रपट वितरण करण्याच्या नियमांचे उल्लंघन केले आहे तर स्कार्लेटबरोबर जो करार केला होता त्याचेही उल्लंघन केले आहे. डिझ्नीनं हा चित्रपट ओटीटीवर प्रदर्शित केला होता. त्यामुळे या चित्रपटातून जे काही नुकसान झालं आहे त्याची जबाबदारी कुणाची हा प्रश्नही स्कार्लेटनं विचारला आहे.

डिझ्नीनं आपली बाजु मांडताना ही गोष्ट दु;खदायक असल्याचे सांगितले आहे. मार्वलच्या सिनेमॅटिक युनिव्हर्समध्ये स्कार्लेट जॉन्सनचं ब्लॅक विडो नावाचं कॅरेक्टर संपुष्टात आले आहे. मात्र मार्वेल कॉमिक्सचे निर्माते केविन फाइजीनं हे कॅरेक्टर पुन्हा वेगवेगळ्या रुपात प्रेक्षकांसमोर आणणार असल्याचे सांगितले होते. आता गेल्या वर्षी या चित्रपटाचे प्रॉडक्शन तयार झाले होते. आणि ती लॉस एंजेलिसमध्ये त्याच्या प्रदर्शनाची तयारीही पूर्ण झाली होती. या चित्रपटाचा प्रिमिअर हा चीनमध्ये करण्याची डिझ्नी हॉटस्टारची योजना होती.