Sonalee Gurav obscene video Viral: इन्स्टा क्वीन सोनाली गुरवचा अश्लील व्हिडिओ व्हायरल झाल्याचा धक्कादायक प्रकार उघडकीस आलाय. सोनाली गुरवला मॉर्फ करून तिचा अश्लील व्हिडिओ सोशल मीडियावर व्हायरल झाल्याचा प्रकार उघडकीस आलाय.

सोनालीने याप्रकरणी काळाचौकी पोलीस स्टेशनमध्ये FIR दाखल केलाय. सोनालीने सोशल मीडियावर सविस्तर पोस्ट लिहून खुलासा केलाय.

(After Gautami Patil, Insta queen Sonalee gurav obscene video went viral.. Shocking revelations)

हेही वाचा: शॉर्ट सेलर्स म्हणजे नक्की कोण?

सोनाली म्हणाली.. काही दिवसांपूर्वीचीच गोष्ट आहे. एखाद्या मुलीला ज्या गोष्टीचा नुसता विचारच असह्य होईल, नेमकी ती घटना माझ्या आयुष्यात घडली. काही मित्रांचा फोन आला कि एक अश्लील मॉर्फ विडीओ सध्या वायरल होतोय. पायाखालची जमीन सरकली.

पटकन सगळं सोडून कुठेतरी निघुन जावसं वाटलं. वाईट वाईट विचार येऊ लागले. हि घटना झाल्यापासून सतत माझ्या आई वडिलांचा चेहरा माझ्या समोर यायचा. कौतुकाने बघणाऱ्या नजरा हिणवू लागल्या.

सोनाली पुढे लिहिते.. सगळं काही छान सुरु असताना एखाद वादळ येऊन सगळं उध्वस्त करून जातं. अगदी तसच वाटलं. आणि सगळ्यात जास्त वाईट तेव्हा वाटलं जेव्हा मला अश्लील मेसेज, इमेल्स आणि कमेंट्स येऊ लागल्या.

लोकांना चर्चेला, मजा मारायला नवीन विषय मिळाला. खरंच एवढा वेळ आहे लोकांकडे? हि वेळ आपल्या घरच्या मुलीवरही येऊ शकते आणि मग तेव्हा आपण असेच react करणार आहोत का? याची जाणीव कशी नाही होत.

या काळात मानसिक अवस्था कशी होती हे सांगताना सोनाली लिहिते.. मित्र-मैत्रिणीनी मानसिक बळ दिलं. आणि मी पोलीस स्टेशन गाठलं. कोर्टाची आणि पोलीस स्टेशनची पायरी कधीच चढू नये असं मला नेहमी वाटत.

पण त्याउलट पोलिसात गेल्या गेल्या पोलिसांनी मला सहकार्य केलं आणि लगेच हालचाली सुरु झाल्या.

पोलीस झपाट्याने हे कृत्य करणाऱ्यांना आणि ते पसरवायला मदत करणाऱ्या लोकांवर कारवाई करत आहेत. अशी पोस्ट लिहून सोनालीने पोलीस प्रशासन आणि कुटुंब - मित्रांचे आभार मानले आहेत.