बॉलिवूडमधील अनेक कलाकारांनी कोरोना काळात अनेक गरजू लोकांची मदत केली. नुकतेच बॉलिवूडचा सिंघम म्हणजेच अजय देवगणच्या (ajay devgn) संस्थेने मुंबईमध्ये मनोरंजन क्षेत्रातील कामगार आणि मीडिया व्यावसायिकांसाठी लसीकरण शिबिराचे आयोजन केले. याबद्दल तरण आदर्श यांनी ट्विट करून माहिती दिली आहे.(ajay devgn organizes vaccination camp in mumbai)

तरण आदर्श यांनी ट्विट करून लिहीले,'अजय देवगण यांनी मुंबईमध्ये लसीकरण शिबिराचे आयोजन केले. अजय देवगण यांच्या संस्थेने या लसीकरण शिबिराचे आयोजन 11 जुन 2021 रोजी आयोजित केले होते. हे शिबीर मनोरंजन क्षेत्रातील कामगार आणि मीडिया व्यावसायिकांसाठी आयोजित करण्यात आले होते.' एप्रिल महिन्यामध्ये बीएमसी आणि हिंदुजा हॉस्पिटल यांच्यासोबत मिळून मुंबईकरांना आपत्कालीन वैद्यकीय सुविधा मिळण्यासाठी अजयने मदत केली होती. चित्रपट निर्माते राजकुमार हिरानी, ​​करण जोहर आणि निर्माता महावीर जैन यांनी मनोरंजन क्षेत्रातील कामगारांसाठी विनाशुल्क लस मोहीम सुरू केली.

अजयने आणि बॉलिवूडमधील काही कलाकरांनी मुंबई महापालिकेसाठी दादरच्या शिवाजी पार्क येथील भारत स्काऊट आणि गाईडच्या हॉलमध्ये एक इमर्जन्सी युनिट स्थापन केले होते. भारत स्काऊट आणि गाईडच्या या हॉलमध्ये कोरोनाच्या रुग्णांवर उपचार करण्यासाठी २० बेड लावले आहेत. तसेच व्हेंटिलेटर, ऑक्सिजन आणि पॅरा मॉनिटर्स या वैद्यकिय सुविधा देखील येथे आहेत.