OMG 2 Teaser Akshay Kumar News: अभिनेता अक्षय कुमार त्याच्या 'OMG 2' या चित्रपटामुळे चर्चेत आहे. त्याचा टीझर आज रिलीज झाला. हा सिनेमा त्याच्या 2012 मध्ये आलेल्या 'ओह माय गॉड' या चित्रपटाचा सिक्वेल आहे. अक्षय कुमार 'OMG 2'मध्ये भगवान शिवाच्या भूमिकेत दिसणार आहे, तर 'ओएमजी'मध्ये तो भगवान कृष्णाच्या भूमिकेत दिसला होता. 'OMG' करत असताना अक्षय कुमारने त्याच्या जीवनशैलीत बरेच बदल केले होते. अक्षय कुमारने एका मुलाखतीत हा खुलासा केलाय.
(akshay kumar avoid non veg for omg 2 teaser bollywood news)
मीडिया रिपोर्ट्सनुसार, जेव्हा अक्षय कुमार 'OMG' चित्रपटात काम करत होता तेव्हा त्याच्या आईने त्याला मांसाहार सोडण्याचा सल्ला दिला होता. वास्तविक, अक्षय कुमारची आई देखील कृष्णाची भक्त होती. त्यांचा असा विश्वास होता की त्यांच्या मुलाने देखील शुद्ध सात्विक आहाराच्या सेवनासह सर्व नियमांचे पालन केले पाहिजे.
अक्षय कुमारने आपल्या आईला बॉलिवूड आणि चित्रपटापासून नेहमीच दूर ठेवले होते. पण, जेव्हा अक्षयने त्यांना सांगितले की तो 'OMG' मध्ये भगवान कृष्णाची भूमिका करत आहे. तेव्हा त्याच्या आईला आनंद झाला.
जेव्हा अक्षयच्या आईला समजले की तिचा मुलगा कृष्णाच्या भूमिकेत दिसणार आहे, तेव्हा तिने त्याला फक्त शाकाहारी जेवण खाण्याची विनंती केली. अक्षय कुमारनेही आईचे म्हणणे लगेचच आनंदाने मान्य केले.
आणि 'OMG 2' च्या संपूर्ण शुटींगबद्दल बोलायचे झाले तर अक्षय कुमारसोबत पंकज त्रिपाठी, परेश रावल आणि यामी गौतम देखील यात दिसणार आहेत. हा चित्रपट 11 ऑगस्ट रोजी थिएटरमध्ये प्रदर्शित होणार आहे. 'गदर 2'ही त्याच दिवशी रिलीज होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.