Attacked On Alfaaz सिद्धू मुसेवालानंतर आणखी एक प्रसिद्ध गायक अल्फाजवर प्राणघातक हल्ला झाला आहे. सिद्धू मुसेवालाच्या निधनातून देश सावरला नसताना आणखी एका कलाकाराला लक्ष्य करण्याचा प्रयत्न झाला आहे. हनी सिंगने इंस्टाग्रामवर पोस्ट करून अल्फाजवर झालेल्या हल्ल्याची बातमी शेअर केली आहे.

हनी सिंगने अल्फाजचा फोटो शेअर केला आहे. ज्यामध्ये तो हॉस्पिटलच्या बेडवर दिसत आहे. ‘ज्याने हे कृत्य केले त्याला सोडणार नाही’, असे हनी सिंगने पोस्टमध्ये लिहिले आहे. अल्फाजच्या डोक्याला गंभीर दुखापत झाली असून, प्रकृती चिंताजनक आहे. रविवारी त्याला मोहालीतील फोर्टिस रुग्णालयात उपचारासाठी आणण्यात आले.

शनिवारी रात्री अल्फाज काही मित्रांसह जेवण करण्यासाठी ढाब्यावर पोहोचला होता. ग्राहक आणि ढाब्याच्या मालकामध्ये पैशांवरून वाद झाला. ग्राहक तेथून पळून जाण्याचा प्रयत्न करू लागला तेव्हा अल्फाजने त्याला रोखण्याचा प्रयत्न केला. रागाच्या भरात त्यांनी अल्फाजवर हल्ला केला. विशाल असे हल्लेखोराचे नाव असून, त्याच्याविरुद्ध मोहाली पोलिस ठाण्यात गुन्हा दाखल करण्यात आला आहे.

पोलिसांनी विशालविरुद्ध गुन्हा दाखल केला आहे. सोहाना पोलिस ठाण्यात गुन्हा दाखल करण्यात आला आहे, असे अल्फाजच्या टीमने जारी केलेल्या अधिकृत निवेदनात सांगितले आहे. काही तासांपूर्वी हनी सिंगने पोस्ट केली की ‘हल्लेखोरांना पकडले आहे. मोहाली पोलिसांनी काल रात्री टेम्पो ट्रॅव्हलरसह अल्फाजवर हल्ला करणाऱ्या आरोपीला पकडले आहे. अल्फाजही धोक्याबाहेर आहे.’