अभिनेत्री आलिया भट ही सोशल मीडियावर चांगलीच चर्चेत असते. आलियाला आपण आजवर अनेक सिनेमांमधुन अभिनय करताना पाहिलंय. आलियाची भारतातच नाही तर आंतरराष्ट्रीय पातळीवर सुद्धा दखल घेतली गेली.
आलियाचा अनेकदा पापाराझींसोबत मजेशीर अंदाज दिसुन येतो. आलियाचा एक नवीन व्हिडीओ सोशल मीडियावर व्हायरल होतोय. या व्हिडीओत पापाराझींनी आलियाला टोपणनाव पाडलंय. आलिया यावर चांगलीच वैतागलेली दिसतेय. जाणून घ्या.
आलिया भटचा एक नवीन व्हिडीओ सोशल मीडियावर व्हायरल झालाय. या व्हिडीओत आलिया GQ Men of The Year या इव्हेंटला मुंबईत गेली होती. आलियाने एकदन ग्लॅमरस अंदाजात इव्हेंटला एन्ट्री घेतली.
आलिया फोटोशुटला उभी राहताच पापाराझींनी तिला आलू जी, आलू जी अशी हाक मारली. आलियाने हे ऐकताच ती म्हणाली, "हे काय नवीन लावलंय आलू जी आलू जी" असं म्हणत ती थोडी वैतागली आणि हसायला लागली.
आलियाच्या वर्कफ्रंटबद्दल बोलायचं झालं तर ती आगामी बैजू बावरा, तख्त, जिगरा आणि ब्रम्हास्त्र २ या सिनेमांंमध्ये असणार आहे. काही दिवसांपुर्वी आलियाचा रणवीर सिंग सोबत रॉकी और रानी की प्रेम कहानी प्रदर्शित झाला होता. या सिनेमाला प्रेक्षकांचा जोरदार प्रतिसाद मिळाला होता. याशिवाय गंगूबाई काठियावाडी सिनेमातील भुमिकेसाठी आलियाला राष्ट्रीय पुरस्काराने सन्मानित करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.