गेल्या अनेक दिवसापासून मनोरंजन विश्वात असे काही विषय सुरु आहेत ज्यामुळे कुठल्या तरी वादाला सुरु होते.

सातत्याने मनोरंजन विश्वातील काही चित्रपट, सिरिज, मालिका यामध्ये हिंदू धर्माचा अपमान करण्यात येतो असा आरोपही अनेक वेळा सिने सृष्टीवर होतात.

मग ते दिपिकाची पठाण मधील भगवी बिकीनी असो किंवा तापसीचा तो नेकलेस...यात आता आणखी एका वादाची ठिणगी पडली आहे.

या वादाच कारण ठरली आहे ती एकता कपूरच्या Alt बालाजीची सिरिज गंदी बातचे नवे पोस्टर..Alt बालाजीच्या वादग्रस्त पोस्टरने सध्या खळबळ उडवून दिली आहे.

पोस्टरमध्ये देवी लक्ष्मीसारखी महिला कमळाच्या फुलांसह दिसत आहे. हे पोस्टर 'गंदी बात'च्या सीझन 6 चे आहे.

या पोस्टरमध्ये एक महिला कमळाच्या फुलासह अतिशय मोहक अवतारात दाखवण्यात आली आहे.

या पोस्टरमध्ये महिलेच्या डोक्याचा अर्धा भाग पदराने झाकलेला आहे, परंतु कंबरेचा भाग दिसत आहे.

कामुक कथा दाखवणाऱ्या 'गंदी बात' शोच्या या पोस्टरवर लोकांनी आक्षेप घेतला आहे. नेटकऱ्यांना हे पोस्टर अजिबात आवडले नाही आणि त्यांनी यावर सातत्याने आक्षेप घेत आहेत.

ट्विटवर #ektakapoor serials आणि #EktaKapoorShouldApologize असे हॅशटॅग ट्रेंड होत आहे.

या पोस्टरद्वारे एकता कपूर आणि त्याच्या टिमनं हिंदू धार्मियांच्या भावना दुखावल्या आहेत आणि देवी लक्ष्मीची खिल्ली उडवण्याचा प्रयत्न केला असल्याचा आरोप सोशल मीडिया यूजर्स करत आहेत.

तथापि, एक सत्य हे देखील आहे की 'गांडी बात 6' चे पोस्टर ज्यासाठी लोक खूप वादळ निर्माण करत आहेत ते 2021 मध्ये वेबकास्ट केले गेले आहे आणि या मालिकेचा 7 वा सीझन देखील यावर्षी 25 फेब्रुवारीपासून आला आहे.