बॉलिवूडमधील प्रसिद्ध निर्माता, दिग्दर्शक करण जोहरने नुकताच त्याचा ५० वा वाढदिवस साजरा केला. या वाढदिवसानिमीत्त त्याने खास पार्टीच आयोजन केलं होतं. या पार्टीला अनेक सेलिब्रिटजी हजेरी लावली होती. या पार्टीमध्ये बॉलिवूड अभिनेत्री करीना कपूर, अमृता अरोरा आणि मलायका अरोरा यांनी देखील हजेरी लावली होती. अशातच, अमृता अरोरा चांगलीच चर्चेत आली आहे. तिला नेटकऱ्यांनी म्हातारी म्हणत ट्रोल केलं आहे.

पार्टीतील काही फोटो अमृताने इन्स्टाग्रामवर शेअर केले आहेत. या फोटोमध्ये अमृतासह करीना कपूर, मलायका अरोरा दिसत आहे. तिघींही हॉट दिसत आहेत. त्यांच्या या फोटोवर अनेकांनी कमेंट्स केल्या आहेत. तर काहींनी ट्रोल करण्याचा प्रयत्न केला आहे.

एक नेटकऱ्याने अमृताच्या या पोस्ट वर बुढ्ढी अशी कमेंट केली आहे. ही कमेंट पाहताच अमृता चांगलीच भडकली. तिनं नेटकऱ्यांचा सडेतोड उत्तर दिलं.

काय म्हणाली अमृता?

'मी कधी कमेंट्स वाचत नाही, पण ही कमेंट माझ्या नजरेत आली. बुढ्ढी म्हणजे अपमान करणे? पण माझ्यासाठी हा फक्त एक शब्द आहे, ज्याचा अर्थ वृद्ध होणे असा आहे.'

तसेच, 'आम्ही वयानुसार मोठे आणि समजदार झालो आहोत. पण तुम्ही नाव नसलेले, ओळख आणि वय नसलेले लोक आहात...' अशा शब्दांमध्ये अमृताने नेटकऱ्याला चांगलच सुनावलं आहे.