Amy Jackson Looks Like Oppenheimer Actor Cillian Murphy: अभिनेत्री एमी जॅक्सन ही तिच्या बोल्ड लूकमुळे चर्चेत असते. तिने आपल्या अभिनयानं प्रेक्षकांची मनं जिंकली आहे. तिने बॉलीवूडपासून सुरुवात करत तामिळ, तेलुगु आणि कन्नड चित्रपटांमध्ये आपल्या अभिनयाची जादू दाखवली आहे. ती रजनीकांतच्या '2.0' सारख्या चित्रपटांसाठी ती ओळखला जातो. एमीने आपल्या सौंदर्याने साऱ्यांनाच थक्क केले आहे.

पण आता तिचे काही फोटो व्हायरल होत आहेत. ज्यात तिला ओळखणेही कठिण झाले आहे. नेटकऱ्यांनी तिची तुलना सिलियन मर्फीसोबत केली आहे.

एमी तिच्या इंस्टाग्राम पेजवर काही फोटोशूट शेअर केले आहे. यात एमीने तिचा नवा लूक चाहत्यांना दाखवला आहे.

या फोटोंमध्ये एमी जॅक्सनने लाल हाय स्लिट शर्ट स्टाइल ड्रेस घातलेला दिसत आहे. एमीने न्यूड मेकअप सह स्मोकी आय करत तिचा लूक पूर्ण केला आहे. तिने तिची हेअरस्टाइलही इतकी वेगळी आहे की त्याचीच चर्चा होत आहे.

आता तिचे हे फोटो सोशल मीडियावर व्हायरल होत आहे. ज्यात नेटकऱ्यांनी भन्नाट कमेंट केल्या आहेत. ती हुबेहुब सिलियन मर्फीसारखी दिसते अशा कमेंट जास्त आहेत. या लूकसाठी अनेकांनी तिला ट्रोल केले आहे, तर काहींना जुन्या एमी जॅक्सनची आठवण आली आहे. सध्या सोशल मीडियावर तिच्या या लूकची खुप चर्चा रंगली आहे.

सुरुवातीला एमीचा प्रतीक बब्बरसोबतचा 'एक दीवाना था' हा सिनेमा रिलिज झाला जो प्रेक्षकांना खुप आवडला होता. त्यानंतर एमी आणि प्रतीक रिलेशनशिपमध्ये असल्याच्या बातम्याही समोर आल्या होत्या. 2015 पर्यंत भारतात राहिल्यानंतर ती इंग्लंडला शिफ्ट झाली. सध्या एली लंडनमध्ये राहते.

जॉर्ज पनायोटोला डेट केल्यानंतर 2019 मध्ये तिने मुलाला जन्म दिला. नंतर या जोडप्याचे ब्रेकअप झाले. त्यानंतर 2022 मध्ये एमीने एड वेस्टविकला डेट करत आहे. आता तिला या लूकने पुन्हा चर्चेत आणलं आहे.