Armaan Malik First Wife Payal Locked In Gym: सोशल मीडियावर नेहमीच त्याच्या वेगवेगळ्या पोस्टसाठी ओळखल्या जाणाऱ्या अरमान मलिकचा चाहतावर्ग मोठा आहे. त्याला इंस्टावर फॉलो करणाऱ्यांची संख्याही मोठी आहे. गेल्या काही दिवसांपासून अरमान हा एका वेगळ्याच बातमीमुळे चर्चेत आला आहे. त्याची पत्नी घरातून गायब असल्याचे दिसून आले आहे.

सोशल मीडियावर व्हायरल झालेल्या त्या बातमीनं नेटकऱ्यांचे लक्ष वेधून घेतले आहे. फेमस युट्यूबर अरमान मलिकच्या दोन पत्नी पायल मलिक आणि कृतिका मलिक यांचीही जोरदार चर्चा आहे. आता तर अरमानच्या घरी गोड बातमी असल्याची माहिती सुत्रांनी दिली आहे. अरमान हा सोशल मीडियावर वेगवेगळे अपडेट्स शेयर करत असल्याचे दिसून आले आहे. यावेळी त्यानं त्याची पत्नी पायल मलिक ही जीममध्ये बंद झाल्याचे अपडेट्स शेयर केले आहेत. आणि त्याविषयी कुणालाही माहिती नव्हते.

Also read - सामान्यांचा पैसा सुरक्षित ठेवण्यासाठीच Virtual Currency करकक्षेत

त्याचे झाले असे की, अरमाननं त्याच्या नव्या घराच्या छतावर जीम सुरु केली आहे. त्यात जीमसाठी गेलेली पायल अडकून पडल्यानं घरच्यांना देखील मोठा धक्का बसल्याचे दिसून आले आहे. त्यामुळे ते घाबरलेही होते. पायल कुठे गेली असा प्रश्नही त्यांना पडला. त्यानंतर काही जणांनी असा अंदाज बांधला की, ती जीममध्ये असण्याची शक्यता आहे. अशाप्रकारे तिचा शोध घेऊन तिला जीममधून बाहेर काढण्यात आले.

पायल तिचा मोबाईल फोन देखील घरातच विसरल्यानं तिला कुणाशी संपर्क साधता आला नाही. त्यामुळे ती अधिकच घाबरुन गेली होती. अरमाननं जेव्हा जीमचा दरवाजा उघडला तेव्हा पायलला पाहून त्याला धक्काच बसला. त्याला माहितीच नव्हते की, ती जीममध्येच राहिली आहे.

पायल मलिक ही अरमानची पहिली पत्नी आहे. त्यांचे २०११ मध्ये लग्न झाले होते. त्यांना एक मुलगाही आहे. सोशल मीडियावर या कपल्सचे नेहमीच कौतूक होताना दिसते. त्यांचे व्हिडिओ आणि फोटो हा चाहत्यांच्या चर्चेचा विषय झाल्याचे दिसून आले आहे. पायलची पुन्हा एकदा गुड न्युज समोर आली आहे. तिनं सांगितले आहे की, अजुन तीन आठवड्यानंतर तिच्या घरात आणखी एका नव्या पाहुण्याचे आगमन होणार आहे. अरमानच्या दुसऱ्या पत्नीनं काही दिवसांपूर्वीच एका मुलाला जन्म दिला आहे.