Ole Aale Movie News: नाना पाटेकर यांची प्रमुख भूमिका असलेला ओले आले सिनेमा ५ जानेवारीला रिलीज झालाय. या सिनेमात नाना पाटेकर यांच्यासोबतच सायली संजीव - सिद्धार्थ चांदेकर यांच्याही प्रमुख भूमिका आहेत.

ओले आलेचा प्रीमियर शुक्रवारी मुंबईत पार पडला. मुंबईतील फन सिटी मॉलमध्ये हा प्रिमीयर पार पडला. या प्रीमियरच्या वेळी सिनेमा पाहून बाहेर आल्यावर अशोक सराफ - नाना पाटेकर यांनी एकमेकांना मिठी मारली. हा व्हिडीओ सध्या चांगलाच व्हायरल होतोय.

नाना - अशोक सराफ यांनी मारली एकमेकांना मिठी

सोशल मीडियावर अशोक सराफ - नाना पाटेकर यांचा एक व्हिडीओ व्हायरल होतोय. या व्हिडीओत ओले आले पाहिल्यानंतर अशोक सराफ बाहेर आले आणि त्यांनी नानांना कडकडून मिठी मारली.

त्यांनी नानांचा हात हातात घेतला आणि भरभरुन कौतुक केलं. नानांच्या गालावर हात ठेऊन त्यांच्या अभिनयाचं कौतुक केलं. नानांनी सुद्धा नम्रपणे अशोक यांच्या कौतुकाचा स्वीकार केला. या दोघा दिग्गज अभिनेत्यांचा हा व्हिडीओ सध्या चांगलाच व्हायरल झालाय.

नाना आणि मकरंद यांचा नवीन सिनेमा ओले ओले

नानांचा 'ओले आले' सिनेमा रिलीज झालाय. या सिनेमात एक अशा प्रवासाची गोष्ट पाहायला मिळतेय जी जगण्याचं सूत्र शिकवतेय! 'ओले आले' असं कॅप्शन देत काही दिवसांपुर्वी नाना पाटेकरांच्या नवीन मराठी सिनेमाची घोषणा करण्यात आली होती.

विशेष गोष्ट म्हणजे हा सिनेमा लोकांना खळखळुन हसवतोय यात काही शंका नाही. याशिवाय या सिनेमाच्या माध्यमातुन नाना पाटेकर अनेक वर्षांनी हलक्या फुलक्या विनोदी भुमिकेत दिसत आहेत.

ओले ओले सिनेमातले कलाकार

ओले आले मध्ये नाना पाटेकर - मकरंद अनासपुरे यांच्या अभिनयाची जुगलबंदी पाहायला मिळणार आहे.

याशिवाय या सिनेमात सिद्धार्थ चांदेकर आणि सायली संजीव सुद्धा खास भुमिकेत दिसणार आहेत.

ओले आले हा सिनेमा ५ जानेवारी २०२४ रोजी सर्वांच्या भेटीला आला आहे.