Sourav Ganguly Biopic: बॉलीवूडमध्ये अल्पावधीत स्वताची वेगळी ओळख निर्माण करणारा अभिनेता म्हणजे आयुष्मान खुराना. त्याने त्याच्या अभिनयाने चाहत्यांना भुरळ घातली आहे. आयुष्मान खुराना हा नेहमीच वेगवेगळया धाटणीच्या चित्रपटांसाठी ओळखला जातो.

सध्या आयुष्मान खुराना हा त्याच्या 'ड्रीम गर्ल 2' या सिनेमासाठी चर्चेत आहे. या चित्रपटात तो पहिल्यांदाच अनन्या पांडेसोबत अभिनय करत आहे.

'ड्रीम गर्ल 2' 25 ऑगस्ट रोजी थिएटरमध्ये प्रदर्शित झाला. या चित्रपटाला प्रेक्षकांचा भरभरुन प्रतिसाद मिळत आहे. आत्ता पर्यंत या चित्रपटाने 70 कोटींच्यावर कमाई केली आहे.

या चित्रपटात त्याने पूजाची भुमिका साकारली आहे. त्याच्या अभिनयाचं प्रेक्षकांकडून खुप कौतुक होत आहे. आता त्यातच आयुष्मानच्या हाती एक मोठा सिनेमा लागला असल्याचं बोललं जात आहे.

समोर आलेल्या वृत्तानुसार आता आयुष्मान खुराना हा भारतातील सर्वात प्रसिद्ध लोकप्रिय क्रिकेटर सौरव गांगुली यांच्या बायोपिकमध्ये अभिनय करणार आहे.

सौरव गांगुलीबद्दल सांगायचे तर, सौरव गांगुली यांची भारतातील सर्वात यशस्वी आणि प्रसिद्ध खेळाडूंमध्ये गणना केली जाते. त्यांनी आपल्या क्रिकेट कारकिर्दीत मोठ मोठे अनेक विक्रम केले आहेत. त्याची लोकप्रियता खुप आहे. त्याचे चाहते त्याला प्रेमाने दादा म्हणतात. भारतीय क्रिकेट संघाचा कर्णधार असलेल्या सौरव गांगुलींच्या जीवनावर हा सिनेमा तयार करण्यात येणार आहे.

सौरव गांगुली यांचा हा बायोपिक सुपरस्टार रजनीकांत यांची मुलगी ऐश्वर्या करणार आहे. या बायोपिकची शूटिंग या वर्षी डिसेंबरपासून सुरू होईल अशी चर्चा आहे. आता त्यातच आयुष्मान ही भूमिका साकारणार असल्याच्या चर्चा सुरु झाल्याने त्याचे चाहते खुपच उत्साहित आहे.

मात्र आयुष्मानच्या नावापुर्वी सौरव गांगुली यांच्या बायोपिकसाठी रणबीर कपूरच्या नावाची चर्चा होती. त्याला या चित्रपटासाठी फायनल करण्यात आलं असल्याच्याही बातम्या समोर आल्या होत्या.

यावर सौरव गांगुली यांनीही जर रणबीरने त्यांची भूमिका साकारली तर त्यांना काही अडचण नसल्याचे सांगितलं होते.

मात्र आता या चित्रपटात रणबीर की आयुष्मान कोणता अभिनेता दिसणार निर्मात्यांनी कोणतीही अधिकृत घोषणा केलेली नाही.