Vicky Jain on Ankita Lokhande News: बिग बॉस 17 ची ग्रॅंड फिनाले रविवारी झाली. मुनावर फारुकीने बिग बॉस 17 चं विजेतेपद मिळवलं. सर्वांना अपेक्षा होती की, अंकिता बिग बॉस 17 च्या फायनलमध्ये बाजी मारेल. पण अंकिताला ग्रँड फिनालेमध्ये चौथ्या नंबरवर बाहेर जावं लागलं.

त्यामुळे अंकिताच्या फॅन्सची चांगलीच निराशा झाली. अंकिता बिग बॉस 17 मध्ये पती विकी जैनसोबत सहभागी होती. अंकिताने विजेतेपद गमावल्यानंतर पती विकीने तिच्यासाठी खास पोस्ट लिहीली आहे.

विकीने अंकितासोबतचे बिग बॉसच्या घरातील फोटो पोस्ट केले आहेत. हे फोटो पोस्ट करुन विकी लिहीतो, "अंकिता तु जैन आणि लोखंडे कुटुंबाला अभिमान वाटावा, अशी गोष्ट केली आहेस! तुझी खेळ खेळण्याची पद्धत आणि कोणत्याही परिस्थितीत हार न मानण्याची तयारी निश्चितच कौतुकास्पद. प्रत्येक गोष्टीत तू बेस्ट आहेस. मला खात्री आहे तुझे मित्र, तुझे फॅन्स आणि सर्वांना तुझा अभिमान वाटत असेल."

अंकिता हरल्यावर रडली?

बिग बॉस 17 ची ग्रँड फिनाले झाल्यावर व्हायरल झालेल्या व्हिडिओमध्ये अंकिता तिच्या कुटुंबासह बिग बॉस 17 च्या सेटमधून बाहेर पडताना दिसत आहे. या व्हिडिओमध्ये तिच्या चेहऱ्यावरची निराशा स्पष्ट दिसत आहे. तिचा उदास चेहरा पाहून लोकांचा अंदाज आहे की, हरल्यानंतर ती खूप रडली असेल.

विजेतेपदाची प्रमुख दावेदार मानली जात असलेल्या अंकीताचे फॅन्स मात्र ती जिंकली नाही म्हणून नाराज झाले असतील.