Bhagyashree Husband Surgery: लाईमलाइट पासून दूर असलेली आणि क्वचितच मीडियासमोर येणार अभिनेत्री भाग्यश्री आज एका वेगळ्याच कारणामुळे चर्चेत आली आहे. तिच्या पतीवर म्हणजेच, हिमालय दसानी यांच्यावर एक गंभीर शस्त्रक्रिया पार पडली. त्याबाबत भाग्यश्रीने एक पोस्ट करत माहिती दिली आहे.

अभिनेता सलमान खानच्या (Salman Khan) 'मैने प्यार किया (Maine Pyar Kiya) या चित्रपटातून रसिकांच्या काळजात अधिराज्य केलेली अभिनेत्री भाग्यश्री (Bhagyashree) हिने सोशल मीडियावर एक पोस्ट शेअर केली आहे. या पोस्टमधून भाग्यश्रीनं तिच्या पतीवर म्हणजेच हिमालय दसानी (Himalaya Dasani) यांच्यावर पार पडलेल्या शस्त्रक्रियेबाबत सांगितलं आहे.

भाग्यश्रीनं सोशल मीडियावर एक व्हिडीओ शेअर केला आहे. या व्हिडीओमध्ये हिमालय दसानी हे हॉस्पिटलच्या बेडवर झोपलेले दिसत आहेत. त्याच्या खांद्यावर शस्त्रक्रिया झाल्याचेही कळत आहे. तसेच डॉक्टरांची टीम त्यांची काळजी घेताना दिसत आहे. व्हिडीओला भाग्यश्रीनं कॅप्शन दिलं आहे की, 'हिमालय यांची उजव्या खांद्याची मोठी सर्जरी झाली आहे. ही सर्जरी जळपास चार तास सुरु होती. त्यांची सर्जरी व्यवस्थित पार पडली आहे. आम्हाला सांगण्यात आले की ते एका दिवसात बरे होतील. पण आम्हाला त्यावर अजिबातच विश्वास बसला नाही, पण डॉ. गौतम तवारी आणि त्यांच्या टीमचे मी आभार मानते. त्यांच्यामुळे ही शक्य झाले.'

भाग्यश्रीच्या पोस्टवर आता सर्वांच्या भरभरून कमेंट येत आहेत. सर्वजण तिचे सांत्वन करत आहेत. अंकिता लोखंडे, अर्चना पूरन सिंह, शक्ति कपूर, संजय कपूर या कलाकारांनी देखील भाग्यश्रीच्या पोस्टला 'गेट वेल सून' अशी कमेंट केली.