Bigg Boss 17: वादग्रस्त टीव्ही शो 'बिग बॉस 17' प्रेक्षकांचे मनोरंजन करत आहे. या शोमध्ये रोज नवनवे ट्विस्ट पाहायला मिळत आहेत. आता हा शो शेवटच्या टप्प्यात पोहोचणार आहे. ज्यासाठी चाहत्यांपासून ते स्पर्धकांपर्यंत सर्वांनाच खूप उत्सुकता आहे. तर आता घरात बरेच वाद विवाद झाल्यानंतर बिग बॉसने सर्वांना आणखी एक धक्का दिला आहे.

एकीकडे बिग बॉसच्या घरात कधीन न घडलेली घटना झाली. घरात हाणामारी करुनही अभिषेक पुन्हा घरात परतला. तर आता वीकेंड का वार मध्ये एका स्पर्धकाचा प्रवास संपला आहे. तो स्पर्धक म्हणजे के पॉप स्टार ओरा आहे.

ओराने दोन आठवड्यांपूर्वी बिग बॉस 17 मध्ये वाइल्डकार्ड म्हणून प्रवेश केला होता, काही वेळातच त्याने प्रेक्षकांची मने जिंकली होती. ओराने घरातून बाहेर जाताना स्पर्धकांना मिठी मारली.

ही संधी दिल्याबद्दल त्याने सलमान खानचे आभार मानले. ओराचे घरातील लोकांसोबत चांगले संबंध होते. के-पॉप गायक ओराच्या केसांचीही बिग बॉसमध्ये चांगलीच चर्चा रंगली होती. तो प्रत्येक एपिसोडमध्ये आपल्या केसांचा रंग बदलत होता.

28 जानेवारी 2024 रोजी बिग बॉसचा फिनाले होणार आहे. सलमान खानने याबद्दल माहिती दिली. कलर्सवर रविवारी रात्री 9 वाजता बिग बॉसचा फिनाले प्रेक्षकांना दिसणार आहे. Jio सिनेमावर हा शो दिसणार आहे.

आता ओरानंतर ईशा मालवीय, अभिषेक कुमार, अंकिता लोखंडे, विकी जैन, आयशा खान, अरुण महाशेट्टी, समर्थ जुरेल, मन्नारा चोप्रा आणि मुनावर फारुकी हे स्पर्धक घरात आहेत. त्यामध्ये आता घरातील कोणते स्पर्धक टॉप 5 मध्ये जाणार हे जाणून घेण्यासाठी प्रेक्षक उत्सुक आहेत.