Orry in Bigg Boss 17: वादग्रस्त टीव्ही शो 'बिग बॉस 17' सध्या खूप चर्चेत आहे. या शोमध्ये आता अनेक ड्रामा आणि ट्विस्ट पाहायला मिळत आहेत. ज्यामुळे या शो ची टीआरपी दिवसेंदिवस वाढत आहे.
आता या घरातून चार स्पर्धक बाहेर पडले आहेत तर त्यानंतर बिग बॉसच्या घरात एका नव्या स्पर्धकाची एंट्री झाली आहे.
वाइल्डकार्ड स्पर्धकाबद्दल सोशल मिडियावर खुप चर्चा होती. आता सलमाननं वीकेंड का वार मध्ये ओरहान अवतारमणी उर्फ ओरी याला बिग बॉसच्या घरात स्पर्धक म्हणून एंट्री दिली आहे.
कलर्स चॅनलने शोचा एक प्रोमो सोशल मिडियावर शेयर केला आहे. ज्यात सलमान खान त्याच्या शोमध्ये ओरीचे स्वागत करत आहे. मात्र यावेळी ओरी एकटाच या घरात आला नाही तर सोबत सात- आठ बॅग घेऊन आला. यावर सलमान खान त्याची थट्टाही करतो.
सलमान त्याला म्हणतो की, 'आम्ही स्पर्धकाला या शोमध्ये सन्मानाने पाठवतो पण तुला सामानाने पाठवावं लागत आहे. संपूर्ण जगाला जाणून घ्यायचं आहे की तू काय काम करतोस'
यावर ओरी सांगतो की तो खुप मेहनत करतो आणि काम करतो. तो सकाळी सूर्यासोबत उठतो आणि रात्री चंद्रासोबत झोपतो. ओरीचं बोलणं ऐकल्यानंतर सलमानला हसू आवरत नाही,
तर पुढे सलमान विचारतो की, लोकांना जाणुन घ्यायचं आहे की मोठमोठया पार्टीमध्ये जाण्यासाठी के लोक तूला पैसे देतात का?
तर ओरी यावर म्हणतो की, " मला पैसे मिळत नाहीत उलट तेच माझ्या मॅनेजरला फोन केल्यानंतर लोक मला फोन करतात. माझ्याकडे 5 मॅनेजर आहेत.
इतकच नाही तर ओरीकडे 9 लाख 80 हजार किमतीचे घड्याळ, 1.5 लाख किमतीचे बूट आणि 5 मॅनेजर आहेत. ओरी खुप विलासी जीवन जगतो. शोमध्ये येतानाही तो खुप सामान घरात घेऊन गेला आहे. मात्र आता इतकं विलासी जीवन जगणारा ओरी बिग बॉसच्या घरात इतर स्पर्धकांसोबत जमवून घेऊ शकेल का हे आता काही दिवसांत कळेलच.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.