गेल्या काही दिवसांपासून मराठी कलाकार विविध राजकीय पक्षात प्रवेश करत आहेत. नुकताच सुप्रसिद्ध मराठमोळा अभिनेता अभिजीत केळकरने भारतीय जनता पार्टीत जाहीर प्रवेश केलाय. प्रिया बेर्डे आणि भाजप प्रदेशाध्यक्ष चंद्रशेखर बावनकुळेंच्या उपस्थितीत अभिजीतने भारतीय जनता पार्टीत जाहीर प्रवेश केलाय.

तर यावेळी बिग बॉस मराठीच्या पहिल्या पर्वांची विजेती आणि अभिनेत्री मेघा धाडे हिच्याकडे देखील भारतीय जनता पार्टीने मोठी जबाबदारी सोपवली आहे. काही दिवसांपुर्वीच मेघाने भारतीय जनता पार्टी पक्षात प्रवेश केला होता तिच्या BJP प्रवेशामुळे सगळ्यांच्या भुवया उंचावल्या होत्या.

तिने जून महिन्यात भाजपा प्रदेशाध्यक्ष चंद्रशेखर बावनकुळे उपस्थिीतत राजकारणात प्रवेश केला. आता BJP ने त्याच्यावर ही महत्वाची जबाबदारी सोपवल्याने पुन्हा चर्चा सुरु झाल्या आहेत.

मेघानं स्वत:या बाबत पोस्ट शेयर करत माहीती दिली. आता मेहाची भाजप महाराष्ट्र प्रदेश सहसंयोजक पदी नियूक्ती करण्यात आली आहे. चंद्रशेखर बावनकुळे यांच्या उपस्थितीत तिला या पदाची सुत्र सोपवण्यात आली. यावेळी सांस्कृतिक प्रकोष्ठ महाराष्ट्र प्रदेशाध्यक्ष प्रिया बेर्डे देखील उपस्थीत होत्या.

या कार्यक्रमाचे फोटो शेयर करत तिने लिहिले, "आज माझी भारतीय जनता पार्टीचे महाराष्ट्र प्रदेशाध्यक्ष मा चंद्रशेखरजी बावनकुळे, प्रदेश महामंत्री माननीय विजयजी चौधरी, माझी लाडकी सांस्कृतिक प्रकोष्ठची महाराष्ट्र प्रदेशाध्यक्ष मा प्रियाताई बेर्डे यांच्या उपस्थितीत माझी महाराष्ट्र प्रदेश सहसंयोजक पदी नियुक्ती करण्यात आली.

तसेच माझ्याबरोबर अनेक कलाकारांचे पक्षप्रवेश करण्यात आले.मला प्रिया ताईनी जी जबाबदारी दिली आहे ती जबाबदारी मी व्यवस्थित पार पाडून अनेक कलाकारांना पक्षाशी जोडून जोमाने काम करीन हा जो विश्वास दाखवला त्याबद्दल सर्व मान्यवरांचे आभार..."

तिची पोस्ट आता चर्चेत आहे. अनेक कलाकार मंडळी आणि तिच्या चाहत्यांनी तिच्यावर अभिनंदनाचा वर्षाव केला आहे.