Animal Bobby Deol Break Silence: 'अ‍ॅनिमल' हा सिनेमा गेल्या दहा दिवसांपासून बॉक्स ऑफिसवर राज्य करत आहे. या चित्रपटाने अनेक रेकॉर्ड मोडले. पण तितकाच वादही या चित्रपटामुळे झाला आहे. चित्रपटातील अनेक सीन्सवर प्रेक्षकांनी नाराजी व्यक्त करत आक्षेप घेतला आहे. यातच सर्वात जास्त चर्चा झाली ती बॉबी देओलच्या लग्नातल्या सीनची.

चित्रपटात लग्नानंतर त्याने आपल्या पत्नीवर वैवाहिक बलात्कार केल्यानं अनेकांनी या सीनवर टीका केली आहे. अ‍ॅनिमल मधला तो सीन म्हणजे , 'बॉबी देओल आपल्या लग्नात एकाला यमसदनी धाडतो आणि भर लग्नात बायकोसोबत मधुचंद्र देखील साजरा करतो.' तेही लग्नात आलेल्या पाहूण्यांसमोर.

या सीननंतर प्रेक्षकांनी चित्रपटावर टीका केली होती. यापुर्वी या सीनबाबत बॉबीच्या पत्नीची भूमिका साकारणाऱ्या अभिनेत्री मानसी टक्सक हिने तिचं मत व्यक्त केलंय होतं. आता यावर बॉबी देओलने आपलं मत व्यक्त केलं आहे.

बॉलीवूड बबलला दिलेल्या मुलाखतीदरम्यान बॉबीने सांगितले की, हा सीन चित्रित करताना मला जराही संकोच वाटला नाही. तो म्हणतो, "ज्या क्षणापासून मी माझ्या व्यक्तिरेखेबद्दल ऐकलं, तेव्हापासून मला माहित होतं की मी एक शब्दही न बोलता त्यात बरेच काही करू शकतो. प्रत्यक्षात, एकही शब्द न बोलल्यामुळे मला एक प्रकारची ऊर्जा मिळाली ज्यामुळे माझ्यातली कला बाहेर आली. जेव्हा मी परफॉर्म करत होतो, तेव्हा मला कोणत्याही प्रकारचा संकोच वाटत नव्हता."

आपल्या पात्राबद्दल बोलताना बॉबी म्हणाला, “मी ते पात्र साकारत होतो जो क्रूर आहे, जो एक दुष्ट माणूस आहे आणि तो आपल्या स्त्रियांना अशी वागणूक देतो, तो तसाच आहे. आणि मी ते तसेच चित्रित केले आहे. तो त्याच्या तीन बायकांसोबत खरोखर रोमँटिक होता." आता बॉबीच्या या वक्तव्यांची सोशल मिडियावर चर्चा आहे.

'अ‍ॅनिमल'च्या कमाईबद्दल बोलायचं झालं तर, या चित्रपटाने रिलीजच्या अवघ्या 10 दिवसांत 430 कोटींहून अधिक कमाई केली आहे तर जगभरात 'अ‍ॅनिमल'ने 660 कोटींहून अधिकचीच कमाई केली. अ‍ॅनिमल सिनेमात रणबीर कपूर, बॉबी देओल, रश्मिका मंदाना, तृप्ती डिमरी यांच्या भूमिका आहेत.