Shahid Kapoor and Mira Rajput: बॉलीवूड कलाकार हे त्यांच्या लक्झरी जीवनशैलीसाठी ओळखले जातात. या कलाकार नवनवीन कारचे देखील शौकिन असतात.

तापसी पन्नूने यावर्षी गणेश चतुर्थीच्या मुहूर्तावर मर्सिडीज मेबॅक जीएलएस 600 लक्झरी कार घेतली तर दसर्‍याच्या दिवशी श्रद्धा कपूरने लाल रंगाची लॅम्बोर्गिनी हुराकन टेक्निका कार खरेदी केली होती.

आता आणखी एका कलाकाराच्या गॅरेजमध्ये नवी आलिशान कार सहभागी झाली आहे. बॉलिवूड अभिनेता शाहिद कपूरने नवी कार खरेदी केली आहे. अभिनेता शाहिद कपूर आणि त्याची पत्नी मीरा राजपूत यांनी नुकतीच मर्सिडीज मेबॅच ही एक नवी कोरी लक्झरी कार खरेदी केली आहे. ज्याची किंमत करोडोंमध्ये आहे.

मेबॅकने अलीकडेच त्यांच्या पेज ही फोटो शेयर केले आहेत. ज्यामध्ये शाहिद कपूर आणि मीरा राजपूत यांनी कारसोबत पोज दिली आहे. आता शाहिदचा हा फोटो सोशल मीडियावर व्हायरल होत आहे. चाहत्यांनी दोघांचे अभिनंदन केले आहे.

शाहीद कपूरने मागील वर्षी देखील Maybach S580 नावाची लक्झरी कार खरेदी केली होती. या कारची किंमत सुमारे 3.5 कोटी रुपये होती. याशिवाय शाहिदकडे रेंज रोव्हर वोग, पोर्श केयेन जीटीएस, जॅग्वार एक्सकेआर-एस आणि मर्सिडीज-एएमजी एस400 सारख्या कार आहेत. या सर्व कारची किंमत करोडोंमध्ये आहे.

शाहिद कपूरच्या वर्कफ्रंटबद्दल बोलायचं झालं तर तो यावर्षी 'फर्जी' आणि 'ब्लडी डॅडी' सारख्या प्रोजेक्टमध्ये दिसणार आहे. आता तो 'देवा' चित्रपटात दिसणार आहे. याशिवाय शाहिद जिओ स्टुडिओ आणि दिनेश विजान यांच्या अनटायटल चित्रपटातही दिसणार आहे. हा चित्रपट 9 फेब्रुवारी 2024 रोजी प्रदर्शित होणार आहे. यात क्रिती सेनन त्याच्यासोबत दिसणार आहे.