Parveen Babi Birthday: बॉलिवूडमध्ये अनेक अभिनेत्री अशा होत्या ज्या एक ट्रॅजेडी बनून राहिल्या. या अभिनेत्रींनी एक काळ त्यांच्या अभिनयाने गाजवला. मात्र जेव्हा त्यांची जगातून एक्झिट झाली तेव्हा मात्र अनेकांना चटका बसला.
अशा अभिनेत्रीची ग्लॅमरस कारकीर्द पुढेही अनेकांना भुरळ पाडली. अशीच एक अभिनेत्री म्हणजे परवीन बाबी. आज परवीन बाबीचा वाढदिवस. त्यानिमित्ताने परवीनचं लव्ह लाईफ आपण जाणून घेऊया..
(bollywood actress Parveen babi who is deeply in love with Mahesh Bhatt.. But due to this reason the marriage could not take place)
परवीन ७० च्या दशकातील ग्लॅमरस आणि बोल्ड हिरोईनपैकी एक होती. त्या काळात परवीन बाबीने तिच्या बोल्डनेसमुळे पडद्यावर चांगलीच दहशत निर्माण केली होती. जगाचा निरोप घेऊनही परवीन हे असे व्यक्तिमत्त्व आहे, जे आजही लोकांच्या हृदयात वावरते.
परवीनला तिच्या कामासाठी नाव मिळालं असेल, पण पण त्यांचे वैयक्तिक आयुष्य खूप अपूर्ण होते. परवीनने त्यावेळी अनेक सुपरहिट चित्रपट दिले.
त्या काळातील सर्वात महागड्या अभिनेत्रींपैकी ती एक होती. 4 एप्रिल ही त्यांची 72 वी जयंती आहे. यानिमित्ताने परवीनच्या आयुष्यातील काही रंजक किस्से जाणून घेऊया.
परवीन बाबीचे अनेक अभिनेत्यांसोबत अफेअर होते. बहुतेक चित्रपटांमध्ये खलनायकाची भूमिका करणारे डॅनी डेन्झोंगपा आणि परवीन बाबी जवळपास ४ वर्षे रिलेशनशिपमध्ये होते. नंतर दोघांचे ब्रेकअप झाले.
डॅनीसोबत वेगळे झाल्यानंतर परवीन बॉबी आणि कबीर बेदी जवळ आले. हे नातेही चांगले गेले नाही आणि दोघेही वेगळे झाले.
कबीर बेदीसोबत ब्रेकअप झाल्यानंतर परवीन बाबी विवाहित महेश भट्ट यांच्या प्रेमात पडली, पण सिगारेट आणि दारूमुळे ती खूप आजारी होती. यामुळे महेश भट्टही त्यांना सोडून गेले.
परवीनचा जन्म गुजरातमधील जुनागढ येथे एका मुस्लिम कुटुंबात झाला. तिने आपले प्रारंभिक शिक्षण अहमदाबादच्या माउंट कार्मेल हायस्कूलमधून केले आणि नंतर सेंट झेवियर्स कॉलेज, अहमदाबाद येथून इंग्रजी साहित्यात पदव्युत्तर पदवी प्राप्त केली. त्यांचे पूर्वज गुजरातचे पठाण होते आणि बाबी राजवंशाचा भाग होते.
ती तिच्या आई-वडिलांची एकुलती एक मुलगी होती जी त्यांच्या लग्नाच्या चौदा वर्षानंतर जन्माला आली. वयाच्या दहाव्या वर्षी परवीनने वडील गमावले.
परवीन यांनी बॉलिवूडमध्ये दिवार, क्रांती, कालिया,अमर अकबर अँथनी, शान, काला पथ्थर अशा सुपरहिट सिनेमांमध्ये अभिनय केला
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.