ड्रामा क्वीन राखी सावंत सध्या तिच्या वैयक्तिक आयुष्यामुळे खूप चर्चेत आहे. तिनं प्रियकर आदिल खान दुर्रानीसोबत लग्नाचा व्हिडिओ शेअर करून सर्वांना आश्चर्याचा धक्का दिला होता. त्यातच आदिलनेही तिच्यासोबत लग्नास होकार देण्यासाठी वेळ लावला. त्या दरम्यान राखीनं मिडियासमोर खुप राडा केला. त्यानंतर आदिलनं लग्नाला होकार दिला.

त्यातच आता तिने मोठा धक्कादायक खुलासा केला आहे. ती गर्भवती होती, पण तिचा गर्भपात झाला होता. असं राखीचं म्हणनं आहे. तिने 'बिग बॉस मराठी सीझन 4' मध्ये देखील याचा उल्लेख केला होता, परंतु कोणीही ते गांभीर्याने घेतले नाही.असंही ती म्हणाली.

विरल भयानी यांनी आपल्या इंस्टाग्राम अकाऊंटवर एक पोस्ट शेअर केली आहे, ज्यामध्ये त्याने सांगितले आहे की राखीने त्याच्याशी झालेल्या संभाषणात तिचा गर्भपात झाल्याचं सांगितलं आहे.

यासंभाषणात राखी म्हणाली, "हो भावा, मी प्रेग्नंट होते आणि मी बिग बॉस मराठी शोमध्येही याची घोषणा केली होती, पण सगळ्यांनाच हा विनोद वाटला आणि कोणीही ते गांभीर्यानं घेतले नाही." राखीने तिचा गर्भपातही झाल्याचं सांगितलं होते.

राखी सांवत प्रेग्नंट झाल्याचा अंदाज लोकांनी लावला होता. तिने त्यामुळेच तिच्या लग्नाची घोषणा केली होती असं नेटकऱ्यांच म्हणणं होतं. त्याचबरोबर गेल्या काही दिवसांपासून राखी सावंत प्रेग्नंट असल्याच्या बातम्या समोर येत आहेत. राखीने अनेक मुलाखतींमध्ये तिच्या प्रेग्नेंसीबद्दल बोलण्यास नकार दिला मात्र, आता राखी सावंतच्या या घोषणेने सर्वांनाच आश्चर्याचा धक्का बसला आहे.