Urfi Javed News: उर्फी जावेद ही तिच्या फॅशन सेन्समुळे कायम चर्चेत असते. उर्फीला अनेकदा तिच्या अतरंगी फॅशन सेन्समुळे कौतुक कमी तर लोकांच्या टिकेचा जास्त सामना करत असते.

अशातच उर्फीच्या चाहत्यांसाठी एक मोठी बातमी समोर आलीय. उर्फीला हॉस्पीटलमध्ये दाखल करण्यात आलंय. उर्फीने सोशल मीडियावर हॉस्पीटलमधला फोटो पोस्ट करुन ही बातमी शेअर केली.

उर्फीने शेअर केला हॉस्पीटलमधला फोटो

उर्फी जावेदने नुकतंच हॉस्पीटलमधला फोटो शेअर केलाय. यामध्ये उर्फीच्या तोंडावर ऑक्सीजन मास्क दिसत असून ती बेडवर झोपलेली दिसतेय. तिने कॅमेरासाठी दोन हात करुन खास पोज दिलीय.

उर्फीने या पोस्टच्या खाली कॅप्शन लिहीलंय. "Starting 2024 with a bang." त्यामुळे उर्फीच्या चाहत्यांना तिची काळजी लागून राहिलीय. अनेकांनी कमेंट करत ती लवकरात लवकर बरी व्हावी, अशी प्रार्थना केलीय.

उर्फीने पोस्ट डिलीट केली

उर्फीने सोशल मीडियावर फोटो टाकताच अल्पावधीत तिच्या फॅन्सनी लाईक्स - कमेंट्सचा वर्षाव केला. यानंतर काहीच वेळात उर्फीने पोस्ट डिलीट केली. त्यामुळे सर्वांच्या भुवया उंचावल्या. आता उर्फीच्या तब्येतीबद्दल अनेकजण तर्कवितर्क लावत आहेत.