Actors Weird Habits: चाहत्यांना आपल्या आवडत्या कलाकाराविषयी फार कौतूक असतं. त्याला काय आवडतं, तो / ती काय खाते, त्याचं रोजचं वेळापत्रक काय असते, फावल्या वेळात ते काय करतात, त्यांच्या आवडी निवडी कशा आहेत यासाऱ्याविषयी त्याला जाणून घेण्याची प्रचंड उत्सुकता असते. मात्र काही (Bollywood Actors) कलाकार असे आहेत की ज्यांच्या तऱ्हेवाईक सवयी ऐकून तुम्ही कानावर हात ठेवाल. ते कलाकार बॉलीवूडमधील प्रसिद्ध अभिनेते, अभिनेत्री आहेत. सोशल मीडियावर नेहमीच अॅक्टिव्ह राहणाऱ्या या कलाकारांचा फॅनबेसही (bollywood celebrities habbits news) मोठा आहे. त्यांच्या चित्रपटांना मिळणारा प्रतिसादही मोठा आहे.

बॉलीवूडमधील आलिया, रणबीर, सलमान, रणवीर यांच्या चित्रपटांना मिळणारा प्रतिसाद प्रचंड आहे. बॉक्स ऑफिसवर त्यांचे चित्रपट कोटींचे व्यवसाय करतात. ते (salman khan) त्यांच्या हटके स्टाईल आणि व्यक्तिमत्वामुळे तर नेहमीच चर्चेचा विषय असतात. मात्र त्यांच्या काही सवयी अशा आहेत की, त्यामुळे त्यांच्याविषयी चाहत्यांना नेहमीच आश्चर्य वाटत आले आहे. त्या सवयी कोणत्या आहेत हे आपण जाणून घेणार आहोत. कोण कुणाला डेट करतंय, कुणाचं ब्रेक अप झालंय, याची सगळी माहिती असणाऱ्यांना चाहत्यांना त्यांच्या आवडत्या सेलिब्रेटींच्या सवयी कळल्या तर धक्का बसल्याशिवाय राहणार नाही.

आलियाचं दोन महिन्यांपूर्वी लग्न झालं. त्यानंतर तिनं दिलेल्या गुड न्युजची चर्चा सुरु झाली. रणबीर आणि आलियाच्या त्या फोटोनं नेटकऱ्यांचे लक्ष वेधून घेतले होते. आलियाची एक वेगळीच सवय आहे. ती म्हणजे तिला लेडिज डियोड्रंट आवडत नाही. ती नेहमी मेल डियोड्रंटचा वापर करते. त्यामुळे आलिया आणि रणबीर हे एकच डिओ वापरतात असं तुम्ही ऐकलं तर त्यात काही नवल वाटून घेऊ नका. सलमानच्या बाबत सांगायचे झाल्यास, तो नेहमीच त्याच्या वेगळेपणासाठी ओळखला जाणारा कलाकार आहे. त्याला दोरे कुरतडत बसण्याची सवय आहे. असे करतानाचे त्याचे फोटोही सोशल मीडियावर व्हायरल झाल्याचे दिसून येईल.

बॉलीवूडमध्ये फिटनेस फ्रीक म्हणून करिनाचे नाव घेतले जाते. मात्र बेबोला एक वेगळी सवय आहे. ती म्हणजे सतत नखं खात राहणं. तिच्या या सवयीमुळे ती अनेकदा ट्रोलही झाली आहे. रणवीरच्या बाबत सांगायचे झाल्यास त्याला नेहमी हटके कपडे घालण्याची हुक्की येते. रणवीरला वेगवेगळ्या लोकांशी वेगळ्याच प्रकारे बोलण्याची सवयही आहे.