Bollywood: राजपाल यादव अडचणीत...

बॉलीवूड अभिनेता राजपाल यादव हा अडचणीत सापडताना दिसत आहे. तो उत्तर प्रदेशमध्ये प्रयागराजच्या कटरा एरियात सिनेमाचं शूटिंग करत होता. शूटिंग दरम्यान त्याला मोटरबाईक चालवायची होती. यादरम्यान त्याचं गाडीवरचं नियंत्रण सुटलं आणि त्यानं एका विद्यार्थ्याला गाडीनं ठोकलं. यानंतर विद्यार्थ्यानं सिनेमाच्या टीमवर आरोप करत पोलिसांकडे थेट यांसदर्भात तक्रार नोंदवली आहे.

त्यावेळी राजपाल यादवनं देखील पोलिसांकडे काही लोक शूटिंगमध्ये व्यत्यय आणत होते अशी तक्रार केली आहे. या प्रकरणात आता पोलिसांचे म्हणणे आहे की अभिनेता एक जुनी मोटर बाईक चालवत होता,ज्याचे क्लच वायर तुटले आणि चुकून अभिनेत्याने मोटरबाईकनं विद्यार्थ्याला ठोकलं. विद्यार्थ्याला गंभीर दुखापत झालेली नाही असं देखील पोलिसांनी नमूद केलं. या प्रकरणात आता चौकशी सुरू आहे. हा गोंधळ उडाल्यानंतर काही काळानं पुन्हा शूटिंगला सुरुवात केली गेली.(Rajpal Yadav Hit Student during Shooting in Uttarpradesh Prayagraj)

शूटिंग दरम्यान विद्यार्थ्याला राजपालच्या गाडीनं दिली धडक...

माहितीनुसार,राजपाल यादवचा आगामी सिनेमा 'लक्ष्मी टॉकीज' मधील एका सीक्वेन्सचं शूटिंग सुरू आहे. हे शूटिंग खूप सकाळी होत होतं. सिनेमाचं शूटिंग पाहण्यासाठी खूप लोकांची गर्दी तिथं झाली होती. तिथे काही शालेय विद्यार्थी देखील होते. बोललं जात आहे की, राजपाल यादव मोटरबाईक चालवत होता,पण अचानक त्याचा गाडीवरील ताबा सुटला आणि त्यानं त्या विद्यार्थ्याला गाडी ठोकली. विद्यार्थ्यानं त्यानंतर आरोप केला की या प्रकरणानंतर सिनेमाच्या टीमने त्याची माफी मागितली नाहीच उलट त्याला शिवीगाळ केली आणि मारलं देखील. तर सिनेमाच्या टीमने आरोप केला की लोकांना सिनेमाच्या शूटचं रेकॉर्डिंग करू नका असं बजावलं असताना देखील काही लोक तिथे मोबाईलनं शूट करत होते.

हेही वाचा: इच्छापत्र करायचंय...मग या गोष्टी नक्कीच माहिती हव्यात...

उत्कृष्ट विनोदी अभिनेता आहे राजपाल...

राजपाल यादव बॉलीवूडचा प्रसिद्ध विनोदी कलाकार आहे. त्याला 'वक्त','डरना मना है','ढोल' अशा सिनेमातून आपण पाहिलेलं आहे. तो सिनेमांमुळेच नाही तर अनेकदा आपल्या वैयक्तिक आयुष्यामुळे देखील चर्चेत आला आहे.

५ करोडची फसवणूक केल्याप्रकरणी राजपालला झालेली अटक...

राजपालचं वादांशी मोठं कनेक्शन आहे. काही वर्ष आधी त्याला ५ करोड रुपयाची फसवणूक केल्या प्रकरणी अटक केलं गेलं होतं. त्यानंतर जामीनावर त्याची सुटका करण्यात आली होती.