जेष्ठ हॉलिवूड अभिनेता 'ब्रेकिंग बॅड' म्हणजेच मार्क मार्गोलिस यांचे गुरुवारी निधन झाले. वयाच्या 83 वर्षीय 'ब्रेकिंग बॅड' अभिनेत्याने न्यूयॉर्कमधील माउंट सिनाई हॉस्पिटलमध्ये अखेरचा श्वास घेतला. एका निवेदनानुसार मार्गोलिस यांना गुरुवारी न्यूयॉर्कच्या रुग्णालयात अल्पशा आजारानंतर दाखल करण्यात आले होते.

त्याच्या निधनाबद्दल त्यांचा मुलाने ही बातमी चाहत्यांना सांगितली. गेल्या काही दिवसांपासून ते आजारी होते. हॉस्पिटलमध्ये त्यांचा मुलगा आणि पत्नीही दिसले.

मार्क मार्गोलिसचा जन्म

मार्क मार्गोलिस यांचा जन्म फिलाडेल्फिया येथे 1939 साली झाला. आपल्या अभिनयात करियर करण्यासाठी त्याने न्यूयॉर्क गाठलं. त्यांनी थिएटरमध्ये काम केले. त्यानंतर ते 'अंकल सॅम' आणि 'द गोलेम'सह 50 हून अधिक ऑफ-ब्रॉडवे प्रॉडक्शनमध्ये दिसले.

मार्क मार्गोलिस यांच्या ब्रेकिंग बॅडचे सह-कलाकार ब्रायन क्रॅन्स्टन यांनी त्यांना श्रद्धांजली वाहिली. त्याने इंस्टाग्रामवर लिहिले की, 'आज माझ्या मित्राच्या निधनाची बातमी ऐकून खूप दुःख झालं. मार्क मार्गोलिस एक दिलखुलास व्यक्तीमहत्व होतं. तो सेटवर खूप विनोद करायचा. मला त्याची नेहमी आठवण येईल.

'स्कारफेस' 'एस व्हेंचुरा: पेट डिटेक्टिव्ह' आणि 'ब्लॅक स्वान' तसेच एचबीओ सिरिज 'ओझ' सारख्या चित्रपटांमध्ये त्यांनी सहाय्यक भूमिकांसह हिरो म्हणून त्यांनी यशस्वी कारकीर्द केली. 2012 मध्ये त्याला 'ब्रेकिंग बॅड'साठी एमी अवॉर्डसाठी नामांकन मिळाले होते.