Debina Bonnerjee Pregnant News टीव्हीवरील दाम्पत्य देबिना बॅनर्जी (Debina Bonnerjee) व गुरमीत चौधरी (Gurmeet Choudhary) यांच्या घरी पुन्हा एकदा आनंद छोट्या पावलांनी येणार आहे. होय, तुम्ही बरोबर ऐकले. देबिना बॅनर्जी दुसऱ्यांदा आई होणार आहे. देबिना बॅनर्जी आणि गुरमीत यांनी ही आनंदाची बातमी दिली आहे.

या दाम्पत्याने फॅमिली फोटो शेअर केला आहे. फोटोमध्ये चार महिन्यांची मुलगी लियाना गुरमीत (Gurmeet Choudhary) व देबिनासोबत दिसत आहे. परफेक्ट फॅमिली फोटोमध्ये या दाम्पत्याने चौथ्या सदस्याच्या आगमनाची घोषणा केली आहे. देबिनाने सोनोग्राफीचा फोटो शेअर केला आहे. गुरमीतने मुलगी लियानाला मांडीवर घेतले आहे.

फोटोमध्ये गुरमीत बॅक पोजमध्ये आहे. तर देबिना (Debina Bonnerjee) गुरमीतकडे पाहत आहे. सोबतची सोनोग्राफीचा फोटो दाखवत आहे. फोटोमध्ये मुलगी लियानाचा निरागसपणा पाहायला मिळत आहे. लियाना कॅमेराकडे पाहते. ‘नशीब काही निर्णय ठरवते. ते कोणीही बदलू शकत नाही. हा त्या आशीर्वादांपैकी एक आहे. लवकरच आम्हाला भेटायला येत आहे’ असे आनंदाची बातमी जाहीर करताना जोडप्याने लिहिले.

देबिनाच्या दुसऱ्या प्रेग्नेंसी (Pregnant) पोस्टमुळे चाहत्यांना आनंदी होण्याची मोठी संधी मिळाली आहे. सेलेब्स आणि चाहते या जोडप्याचे अभिनंदन करण्यात व्यस्त आहेत. ही बातमी ऐकून सर्वांनाच आनंद झाला आहे. युविका चौधरी, रश्मी देसाई, माही वीज, टीना दत्ता यांच्यासह अनेक स्टार्सनी या बातमीवर प्रतिक्रिया दिल्या आहेत.

अनेक समस्यांचा सामना करावा लागला

देबिनाने ३ एप्रिल २०२२ला मुलीला जन्म दिला होता. देबिना खूप दिवसांपासून गरोदर राहण्यासाठी प्रयत्न करीत होती. देबिनाला पहिल्या बाळासाठी खूप अडचणींचा सामना करावा लागला. पहिल्या गर्भधारणेसाठी ती पाच वर्षे प्रयत्न करीत होती. परंतु, तिला गुंतागुंतीतून जावे लागले. पाचवेळा ती या प्रक्रियेत अपयशी ठरली होती.

११ वर्षांनंतर देबिना झाली आई

देबिनाने दोनवेळा IVFs आणि तीनवेळा IUIs उपचार केले होते. देबिनाच्या अनेक थेरपी झाल्या होत्या. गरोदर होत नसल्याने देबिना अनेकदा रडली. लग्नाच्या ११ वर्षांनंतर देबिनाला आई होण्याचा आनंद मिळाला. आता नशीब बघा, पहिल्या अपत्याच्या चार महिन्यांनंतरच देबिनाला दुसऱ्यांदा आई होण्याची संधी मिळाली आहे.