prashant damle : अभिनेते प्रशांत दामले यांच्या 12 हजार 500 व्या विक्रमी नाट्य प्रयोगाचे रविवारी 6 नोव्हेंबर रोजी आयोजन करण्यात आले होते. या प्रयोगाला अनेक राजकीय मान्यवरांनीही हजेरी लावली होती. विशेष म्हणजे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस देखील या प्रयोगाला हजर होते. यावेळी त्यांनी मोठी घोषणा केली.

यावेळी दामले यांचा मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या हस्ते सन्मान करण्यात आला. यावेळी प्रशांत दामले यांना पद्म पुरस्कार देण्याचा प्रस्ताव केंद्राला दिला असल्याचे उपमुख्यमंत्री देवेंद्र फडणावीस स्पष्ट केले. 12 हजार 500 प्रयोग प्रशांत दामले यांनी केले, ही राज्याच्यादृष्टीने अभिमानाची बाब आहे. त्यामुळे प्रशांत दामले यांना पद्म पुरस्काराने सन्मानित करण्यात यावे अशी मागणी यावेळी करण्यात आली. त्यावेळी यावर उत्तर देताना फडणवीस म्हणाले, 'त्यांना पद्म पुरस्कार देण्यात यावा यासाठीच आधीच केंद्र सरकारला पाठवला आहे.'

या शिवाय मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी मराठी नाट्यसृष्टीच्या प्रश्नांवर लक्ष वेधले. लवकरच राज्यातील सर्व नाट्यगृह सुस्थितीत असतील अशी ग्वाही त्यांनी दिली. मराठी कलाकारांच्या पाठिशी शासन ठामपणे उभे आहे,'असेही ते म्हणाले.