Disha Patani celebrates 7 years of MS Dhoni The Untold Story: ‘एम. एस. धोनी - द अनटोल्ड स्टोरी‘ या चित्रपटातून भारतीय क्रिकेट संघाचा सर्वांत यशस्वी कप्तान व सर्वाधिक चर्चा झालेला खेळाडू महेंद्रसिंह धोनी याचा जीवनपट मांडण्यात आला आहे. एमएस धोनी द अनटोल्ड स्टोरी हा चित्रपट 2016 साली प्रदर्शित झाला.

या चित्रपटात सुशांत सिंग राजपूतने महेंद्रसिंग धोनीची भूमिका साकारली केली होती. तर त्याचबरोबर दिशा पटानी आणि कियारा अडवाणी यांच्याही महत्वाच्या भूमिका या चित्रपटात होत्या. या चित्रपटात कियाराने एमएस धोनीची पत्नी साक्षीची भुमिका तर दिशाने त्याच्या मैत्रिणीची भूमिका साकारली होती. या चित्रपटातून दिशाने बॉलिवूडमध्ये एंट्री केली होती. आज हा चित्रपट प्रदर्शित होऊन सात वर्षे पूर्ण झाली आहेत. यानिमित्ताने दिशाने नुकतीच सुशांत सिंग राजपूतची आठवण काढली.

दिशा पटानीने इंस्टाग्रामवर सुशांत सिंह राजपूतबद्दल एक पोस्ट शेअर केली आहे. त्या पोस्टमध्ये एमएस धोनी चित्रपटाची एक छोटी क्लिप शेअर केली आहे, ज्यात दिशा आणि सुशांत बोलत आहेत.

या व्हिडिओच्या कॅप्शनमध्ये दिशा लिहिले की, 'या सुंदर प्रवासाबद्दल आणि हिंदी चित्रपटसृष्टीतील माझ्या पहिल्या चित्रपटासाठी सर्वांचे आभार. अशा लोकांना मनापासून प्रेम करा आणि त्या लोकांची कदर करा जे तुम्हाला एका खास मार्गाने आनंदित करतात आणि पश्चात्ताप करण्यासाठी आयुष्य खूप लहान आहे असं मी ऐकले आहे. आपण निरोप घेऊ शकलो नाही पण मला आशा आहे की तू जिथेही असशील आनंदी आणि शांत असशील.'

सध्या दिशाची ही पोस्ट सोशल मीडियावर व्हायरल होत आहे. नेटकरी आणि दोघांच्या चाहत्यांनी या पोस्टवर कमेंटचा वर्षाव केला आहे. यासोबतच अनेक बॉलिवूड स्टार्सनीही अभिनेत्रीच्या पोस्टवर कमेंट केल्या आहेत.

नीरज पांडे दिग्दर्शित एमएस धोनी द अनटोल्ड स्टोरी हा भारतीय क्रिकेटपटू महेंद्रसिंग धोनीचा बायोपिक आहे. या चित्रपटातील सुशांत सिंग राजपूतची भूमिका यर्वांना खूप आवडली होती. तर दिशा आणि कियारा देखील लाइमलाइटमध्ये आल्या. यासोबतच दिशा पटानी या चित्रपटानंतर नॅशनल क्रश बनली.

14 जून 2020 रोजी सुशांत सिंग राजपूत त्याच्या मुंबईतील घरात मृतावस्थेत आढळला. त्याने गळफास लावून आत्महत्या केली होती. त्याच्या या चित्रपटाला सात वर्ष पुर्ण झाल्याचा आनंद दिशा त्याच्यासोबत साजरी करु शकत नसल्याने तिने दु:ख व्यक्त केले आहे.

दिशा शेवटची मोहित सुरीच्या अॅक्शन थ्रिलर 'एक व्हिलन रिटर्न्स'मध्ये दिसली होती, आता ती सिद्धार्थ मल्होत्रा ​​आणि राशि खन्नाच्या 'योद्धा' या एका अॅक्शन चित्रपटात आणि कांगुवा नावाच्या तमिळ पीरियड ड्रामा चित्रपट दिसणार आहे. त्याचबरोबर ती कल्की 2898 एडी हा सायन्स फिक्शन अॅक्शन चित्रपटात प्रभास, कमल हासन, अमिताभ बच्चन आणि दीपिका पदुकोण यांच्यासोबत दिसणार आहे.