Dunki Shah Rukh Khan Movie Lutt Putt Gaya : आपल्या आगळ्या वेगळ्या शैलीनं नेहमीच चर्चेत राहिलेल्या प्रसिद्ध दिग्दर्शक राजकुमार हिरानी यांच्या डंकीविषयी चाहत्यांना कमालीची उत्सुकता आहे. त्यामध्ये किंग खान शाहरुखची प्रमुख भूमिका आहे. आता या चित्रपटातील ड्रॉप २ समोर आला आहे. त्याची जोरदार चर्चा आहे.

डंकीतील पहिलं गाणं प्रदर्शित झालं आहे. लुट पुट गया असे त्या गाण्याचे नाव असून त्यात शाहरुख (हर्डी) आणि तापसी पन्नु (मनु) हे दिसत आहे. त्यांच्यावर हे गाणं चित्रित करण्यात आलं आहे. हे गाणं पाहून नेटकऱ्यांनी शाहरुखचं कौतुक केलं आहे. गेल्या काही दिवसांपासून डंकीतील पहिल्या गाण्याची चाहत्यांना कमालीची उत्सुकता होती.

Mahua Moitra : महुआ मोइत्रा यांच्यावरील कारवाई आणि वादांची मालिका

डंकीच्या निमित्तानं शाहरुख पहिल्यांदाच राजकुमार हिरानी यांच्या चित्रपटामध्ये दिसणार आहे. यापूर्वी हिरानी यांनी दोनवेळा ऑफर देऊनही किंग खाननं त्यांच्या चित्रपटात काम करणं टाळलं होतं. हिरानी यांच्या डंकीची चाहत्यांना कमालीची उत्सुकता आहे. त्यात विकी कौशलची देखील महत्वाची भूमिका आहे.

लुट पुट गया या गाण्यातून डंकीमधील स्टोरीविषयी चर्चा समोर आली आहे. या गाण्याच्या माध्यमातून हर्डी मनुच्या प्रेमात पडतो. असे दाखवण्यात आले आहे. त्याचे दुसरे कारण म्हणजे मनु सगळ्यांशी लढत हर्डीला सपोर्ट करते. त्याला आधार देते आणि त्याचं म्हणणं ऐकते. मनुची ही भावना प्रेमात परिवर्तीत होते. असेही दिसून येते.

शाहरुखच्याबाबत सांगायचे झाल्यास त्याचा यावर्षी पठाण आणि जवान नावाचा चित्रपट प्रदर्शित झाला होता. त्याला प्रेक्षकांचा, चाहत्यांचा मोठा प्रतिसाद मिळाल्याचे दिसून आले. पठाणनं तर तब्बल एक हजार कोटींची कमाई केली होती. जवाननं देखील आठशे कोटींपर्यत मजल मारली होती. त्यामुळे शाहरुखच्या तिसऱ्या चित्रपटाविषयी चाहत्यांना कमालीची उत्सुकता आहे.