मुंबई - चित्रपट निर्माती स्वप्ना पाटकरला (Swapna Patkar)बनावट डिग्री (fake degree) आणि पीएचडी प्रकरणी पोलिसांनी अटक केली आहे. बनावट डिग्री मिळवून एका रुग्णालय़ात मानसोपचार तज्ञ म्हणून ती काम करत असल्याची माहिती समोर आली आहे. फसवणूक केल्याप्रकरणी तिच्यावर गुन्हा दाखल करण्यात आला होता. स्वप्नानं मराठी चित्रपट बाळकडू (balkadu) चित्रपटाची निर्माती म्हणून जबाबदारी पार पाडली होती. 2015 मध्ये प्रदर्शित झालेला हा चित्रपट शिवसेनेचे संस्थापक बाळ ठाकरे यांच्या आयुष्यावर आधारित होता. (Film Producer Swapna Patker Arrested For Obtaining Fake PhD)

याप्रकरणी मिळालेल्या माहितीनुसार, 26 मे ला स्वप्नाच्या विरोधात बांद्रा पोलीस (bandra police) ठाण्यामध्ये गुन्हा दाखल करण्यात आला आहे. एफआयआर दाखल झाल्यावर पोलिसांनी तिला अटक केली आहे. त्यावेळी 2016 पासून ती बांद्र्यातील एका रुग्णालयात मानसोपचातज्ञ म्हणून काम करत होती.

पोलिसांनी दिलेल्या माहितीनुसार, 51 वर्षीय सामाजिक कार्यकर्ता गुरदीप कौर (guru यांनी एप्रिलमध्ये तिच्या पीएचडीसंबंधीची कागदपत्रे पोलिसांना पाठवली होती. त्यावेळी पोलिसांनी एका अज्ञाताकडून मिळालेल्या माहितीनुसार तक्रार दाखल करुन घेतली होती. त्या कागदपत्रांनुसार, पाटकरनं 2009 मध्ये कानपूर येथील छत्रपती शाहू महाराज विश्वविद्यालयातून पीएचडीची बनावट पदवी घेतल्याचे समोर आले आहे.

अधिका-यांनी सांगितलयं, बनावट डिग्रीचा उपयोग करुन स्वप्ना एका रुग्णलायामध्ये सल्लागार म्हणूनही कार्यरत होती. ती मानसिक आजारांवर उपचार करत होती. यावर तक्रारकर्ता सिंग यांनी बांद्रा पोलिसांशी संपर्क साधला होता. याप्रकरणाचा तपास पोलीस करत आहेत.