Gadar 2 Box Office Collection: बॉलिवूडमध्ये गेले काही दिवस बॉक्स ऑफिसवर चित्रपट फारशी कमाई करु शकले नाहीत. शाहरुखच्या पठाण नंतर बरेच चित्रपट हे फ्लॉप ठरले. मात्र सध्या दोन सिनेमे बॉक्स ऑफिसवर धुमाकूळ घालत आहे. त्यात एक म्हणजे सनी देओलचा 'गदर 2' आणि अक्षय कुमारचा OMG2.

सनी देओलच्या नुकत्याच प्रदर्शित झालेल्या 'गदर 2' ने बॉक्स ऑफिसवर अनेक रेकॉर्ड केले आहे. रिलिजला आठवडा पुर्ण झाला असला तरी हा सिनेमा बॉक्स ऑफिसवर कमाई करतच आहे. 'गदर 2' ला पहिल्याच दिवशी चांगली ओपनिंग मिळाली होती.

या चित्रपटाने सहा दिवसातच 300 कोटींच्या आकड्यापर्यंत मजल मारली होती. चित्रपटाच्या कमाईचा आलेख वाढतच होता मात्र आता या चित्रपटाची रिलिजच्या 7 दिवसानंतरही कमाई सुरुच आहे.

रिलीजच्या अवघ्या 6 दिवसांत 250 कोटींहून अधिक कमाई करणाऱ्या गदरने प्रदर्शनाच्या 7 व्या दिवशी म्हणजेच गुरुवार 22 कोटींचा गल्ला जमवला आहे. या सातव्या दिवसाच्या आकडेवारीनुसार आता या चित्रपटाची एकूण कमाई 283.35 कोटी रुपये इतकी झाली आहे. आता 'गदर 2' लवकरच 300 कोटींचा टप्पा पुर्ण करेल की नाही याकडे प्रेक्षकांचे लक्ष लागले आहे.

शाहरुख खानच्या 'पठाण'ने भारतात 543.05 कोटींची कमाई केली आहे. आता त्यात त्याच गदर 2 आपली कमाल दाखवू शकतो का हे पहावे लागले.(Latest Marathi News)

गदर 2 चे दिग्दर्शन अनिल शर्मा यांनी केले आहे.सनी देओल आणि अमिषा पटेलसोबत उत्कर्ष शर्मा देखील चित्रपटात महत्त्वाच्या भूमिकेत आहेत. उत्कर्षने गदर २ मध्ये सनी देओलच्या मुलाची भूमिका साकारली आहे. सिमरत कौरने देखील यावेळी चित्रपटात दिसत आहे.