Gharoghari Matichya Chuli: छोट्या पडद्यावरील घरोघरी मातीच्या चुली (Gharoghari Matichya Chuli) या मालिकेला कालपासून (18 मार्च) सुरुवात झाली आहे. काल या मालिकेचा पहिला एपिसोड प्रेक्षकांच्या भेटीला आला. या पहिल्या एपिसोडला प्रेक्षकांचा मिश्र प्रतिसाद मिळाला आहे. पण काहींनी या मालिकेला ट्रोल देखील केलं आहेत. घरोघरी मातीच्या चुली या मालिकेचा पहिला एपिसोड पाहिल्यानंतर नेटकरी काय म्हणाले? जाणून घेऊयात...

स्टार प्रवाहच्या इन्स्टाग्राम अकाऊंटवरुन एक पोस्ट शेअर करण्यात आली आहे. या पोस्टमध्ये "कसा वाटला ‘घरोघरी मातीच्या चुली’ या मालिकेचा पहिला एपिसोड?", असं लिहिण्यात आलं आहे.या पोस्टला कमेंट करुन नेटकऱ्यांनी ‘घरोघरी मातीच्या चुली’ या मालिकेच्या पहिल्या एपिसोडवर रिअॅक्शन दिली आहे.

नेटकऱ्यांच्या कमेंट्स

स्टार प्रवाहच्या इन्स्टाग्राम अकाऊंटवरुन शेअर करण्यात आलेल्या पोस्टला एका नेटकऱ्यानं कमेंट केली, "एकदम टिपिकल, अजून तरी काही वेगळं नाही, सेम मोल्ड फक्त कलर वेगळा" तर दुसऱ्या युझरनं कमेंट केली, "पुन्हा पुन्हा, तेच तेच काही तरी नवीन आणा की", अनेक जण या मालिकेची तुलना कहानी घर घर की या हिंदी मालिकेसोबत देखील करत आहेत.

'घरोघरी मातीच्या चुली' या मालिकेची स्टार कास्ट

घरोघरी मातीच्या चुली या मालिकेमध्ये हृषिकेष रणदिवे ही भूमिका साकारली आहे. तसेच सविता प्रभुणे, रेश्मा शिंदे, प्रमोद पवार, उदय नेने, भक्ती देसाई, सुनील गोडसे यांनी देखील या मालिकेत प्रमुख भूमिका साकारली आहे.

'घरोघरी मातीच्या चुली' या मालिकेच्या नावातच मालिकेची खरी गोष्ट दडलेली आहे. घर म्हटलं तर छोट्या मोठ्या कुरबुरी या आल्याच. मात्र घराला खऱ्या अर्थाने घरपण मिळतं ते घरातल्या आपल्या माणसांमुळे. याच आपल्या माणसांची गोष्ट म्हणजे घरोघरी मातीच्या चुली.