Govinda Birthday: आज गोविंदाची ओळख एक बेस्ट कॉमेडी अक्टर .एक बेस्ट डान्सर अशी आहे. गोविंदा आज आपला ५९वा वाढदिवस साजरा करत आहे. आज गोविंदा एक विनोदी अभिनेता म्हणून ओळखला जातो पण खूप कमी लोकांना माहिती आहे की गोविंदाला कॉमेडी सिनेमे करण्याचा सल्ला जेष्ठ अभिनेते दिलीप कुमार यांनी दिला.(Govinda Birthday: Govinda comedy actor vetean actor dilip kumar guide)

गोविंदाने 1986 मध्ये 'लव्ह 86' या चित्रपटातून करिअरला सुरुवात केली होती. आतापर्यंत 165 चित्रपटांत गोविंदाने काम केले आहे. पण गोविंदाने जास्त कॉमेडी चित्रपटात काम करून आपली खरी ओळख निर्माण केली आहे. विनोदी चित्रपटांत काम करण्याचा मोलाचा सल्ला दिलीप कुमार यांनी गोविंदाला दिला होता आणि तो उपयोगी ठरला.

एका शोमध्ये गोविंदाने सांगितले होते की,'' मी आणि दिलीप कुमार यांनी एकत्र 'इज्जतदार' चित्रपटात काम केले होते. त्यावेळी मला त्यांनी माझी गंभीर भूमिका पाहून सल्ला दिला की, ''आता तू जास्तकरून कॉमेडी चित्रपटांत काम करशील तर तू अधिक आनंदी राहशील, तू निरोगी राहशील. वास्तविक, मला देखील स्वत: अॅक्शन चित्रपट करताना खूप अडचणीला समोरे जावे लागत होते हे कुठेतरी दिलीप सरांच्या नजरेत आले. म्हणून त्यांनी मला अॅक्शन चित्रपटांमध्ये काम करणे थांबवण्यास सांगितले''.

त्यानंतर गोविंदाने 'कुली नंबर 1', 'दुल्हे राजा', 'इल्जाम', 'छोटे मियाँ,' 'जोडी नंबर 1', 'पार्टनर', 'भागम भाग', आणि यांसारख्या अनेक कॉमेडी चित्रपटांमध्ये काम केले. गोविंदाला कॉमेडी टायमिंगसाठी ओळखलं जातं .