Hemangi kavi : हेमांगी कवी हे मराठी मनोरंजन विश्वातील एक महत्वाचं नाव. अनेक मालिका, चित्रपट, नाटक तिच्या कसदार अभिनयाने गाजले आहेत. अभिनयासोबतच निरनिराळ्या कारणाने ती चर्चेत असते. विशेष म्हणजे अभिव्यक्तीच्या आधारावर अत्यंत परखडपणे आपले पुरोगामी विचार लोकांपर्यंत पोहचवत असते. त्यामुळे ती कायमच सोशल मीडियावर आपल्याला सक्रिय दिसते. शिवाय समाज माध्यमातून ती आपल्या चाहत्यांशी संवाद साधत असते. कधी मनमुराद नाच करते तर कधी गमतीशीर व्हिडीओ करते. असाच एक धमाल व्हिडीओ तिने नुकताच पोस्ट केला आहे.

हा व्हिडीओ न चुकवण्यासारखा आणि लोटपोट हसवणारा आहे. या व्हिडीओमध्ये हेमांगीने 'जेव्हा चांगला मेकअप आर्टिस्ट परवडत नाही..' अशी टॅगलाईन दिली आहे. सोबतच हातात आरसा आणि काजळ घेऊन ती उभी आहे. अत्यंत विचित्र पद्धतीने तिने हे काजळ रेखाटले आहे. शिवाय ती आपल्या हावभावाने हे किती विद्रुप असल्याचेही दाखवून देते. (hemangi kavi posted a funny video abut makeup artist and give taunt to Cannes)

या व्हिडीओला तिने 'कान्स फिल्म फेस्टिवलमध्ये जाण्यासाठी मी तयारी करीत आहे' असे विचित्र कॅप्शन दिले आहे. आता प्रश्न पडतो हेमांगीने या विचित्र रूपाचा कान्स फेस्टिवलशी (cannes 2022) का बरं संबंध जोडला असेल. तर त्याचे कारण ही खास आहे. या व्हिडीओ मध्ये हेमांगीने एका हॉलीवूड अभिनेत्रीचाही व्हिडीओ जोडला आहे. ज्यामध्ये तिने या फेस्टिवलला असा लुक केला होता. शिवाय अभिनेत्री दीपिका पदुकोण (Deepika Padukone in cannes 2022) हिनेही असा विचित्र मेकअप केल्याने तिला ट्रॉल केले गेले. त्यामुळे असे बरेच संदर्भ घेऊन हेमांगीने हा व्हिडीओ केला आहे. तिच्या या व्हिडीओने चाहत्यांचे चांगलेच मनोरंजन केले आहे.