Hemangi Kavi: हेमांगी कवी सोशल मीडियावर भलतीच सक्रिय पहायला मिळते. ती तिथं नेहमी आपले रील,व्हिडीओ,फोटो शेअर करताना दिसते. अनेकदा यावरनं तिला ट्रोल व्हावं लागतं. पण ट्रोलर्सपुढे हार मानेल ती हेमांगी कुठली. ती सुद्धा अनेकदा आपल्यावर वार करणाऱ्या ट्रोलर्सवर हटके पद्धतीनं पलटवार करताना दिसते. नुकताच हेमांगीनं एक व्हिडीओ पोस्ट केला आहे. ज्यात तिनं मजेदार पद्धतीनं आपल्यावर ट्रोलर्सनी केलेल्या कमेंटला हायलाइट केलं आहे.Hemangi Kavi Share New Video on trollers Comment

हेमांगी कवीनं नुकत्याच शेअर केलेल्या व्हिडीओत सध्या सोशल मीडियावर ट्रेन्डिंग असलेल्या म्युझिकवर ताल धरला आहे. त्यात दोन फ्रेम मध्ये ती दिसत आहे. एका फ्रेमवर लिहिलेलं दिसतंय की,'ही काहीही करते म्हणून हीला पब्लिसिटी मिळते'.आणि दुसऱ्या फ्रेमवर लिहिलंय की,'पब्लिसिटी मिळावी म्हणून ही काहीही करते'. आणि अर्थात फ्रेमवर जे लिहिलं आहे त्याप्रमाणे तिच्या चेहऱ्यावरचे एक्सप्रेशन तर भन्नाटच.

हेही वाचा: आरामात फेडू शकाल अशीच घ्या कर्जे....

हेमांगीनं व्हिडीओ पोस्ट करत कॅप्शन दिलंय की...''हा व्हिडीओ माझ्या इंडस्ट्रीतील काही लोक,माझ्या कुटुंबातील काही लोक,काही खास मित्र-मैत्रिणी,माझे ट्रोलर्स आणि द्वेष करणाऱ्या सगळ्यांसाठी...अलग से...''. हेमांगीच्या या व्हिडीओवर तिच्या अनेक चाहत्यांनी प्रतिक्रिया दिल्या आहेत. कुणी लिहिलंय,'तू जे करतेस ते उत्तम आहे,अगदी उगीच नावे ठेवण्यापेक्षा बरे'. तर कुणी लिहिलंय,'तू करत रहा,तू जे करतेस ते सगळ्यांना नाही जमत'.

हेमांगी याआधी तिच्या 'ब्रा..बाई आणि बूब्स' या पोस्टमुळे चर्चेत आली होती. त्यावरनं अनेकांनी तिला नावं ठेवली तर नुकताच काही दिवसांपूर्वी तिनं सुश्मिता सेनसोबत फोटो पोस्ट करत तिला 'माझी दुर्गा' म्हणून संबोधलं होतं. तेव्हा देखील अनेकांनी तिला सुनावलं होतं. हेमांगी कवी ही मुळतः बंडखोर स्वभावाची असल्याकारणानं अनेकदा आपल्या वक्तव्यांमुळे ट्रोल होताना दिसते.