हृतिक रोशन (Hrithik Roshan) आणि सबा आझाद(Saba Azad) एकमेकांना डेट करतायत याची गेल्या काही दिवसांपासून नुसती चर्चाच सुरू आहे. हे दोघे आपल्या प्रेमाची कबुली कधी देणार याकडे यांचे चाहते चातकासारखे डोळे लावून बसलेयत. सोशल मीडियावर तर या दोघांनी त्यांच्या पोस्टच्या माध्यमातून अनेकदा आपल्यातील नात्याची हिंट दिली आहे खरंतर,पण तेवढं पुरेस नाही नं चाहत्यांसाठी. या दोघांच्या एकमेकांसाठी केलेल्या पोस्ट असतात मात्र इंट्रेस्टिंग. आता पुन्हा हृतिकनं सबासाठी केलेली पोस्ट चर्चेत आली आहे. आणि बापडे चाहते पुन्हा हतिक-सबा आपल्या नात्यावर शिक्कामोर्तब करतील अशी आस लावून बसलेयत. काय म्हणालाय हृतिक पोस्टच्या माध्यमातून सबाला?

सबानं पुण्यात तिचा एक इव्हेंट होणार आहे त्याच्या रिहर्सल संदर्भातला व्हिडीओ पोस्ट केला आहे. त्या व्हिडीओत ती स्टेजवर उभी आहे,आणि तिथला संपू्र्ण परिसर तिनं त्यात कॅप्चर करण्याचा प्रयत्न केला आहे. आता नेहमीच हृतिक-सबा एकमेकांच्या पोस्टवर स्तुतीसुमंन उधळताना दिसतात. मग सबाच्या या पोस्टवर कमेंट करायला किंवा सबाची स्तुती करायला हृतिक कसा विसरेल बरं? सबानं तिचा हा व्हिडीओ सोशल मीडियावर शेअर केल्यावर हृतिकनं लिहिलंय,''तुझं हे पॅशन,वेड अनुभवायला मी तिथे असायला हवं होतं''. तेव्हा सबानंही त्यावर कमेंट केलीय की,''हो माझ्या प्रिय माणसा तु इथे असायला हवं होतंस''.

हृतिक-सबा एकमेकांसोबत डिनर डेटला अगदी हातात घालून जात आहेत,कधी सबा हृतिकच्या घरी लंचसाठी जाताना दिसते तर कधी चक्क हृतिकच्या घरातून सबासाठी जेवणाचे डबे जातात. हृतिकच्या घरच्यांच्याही सबासाठीच्या खास पोस्ट व्हायरल होताना दिसत आहेत. त्यात हृतिकची पूर्वाश्रमीची पत्नी सुझैन खानही सबाला खूप पसंत करते. त्यांच्यात छान बॉन्डिंग आहे. मग असं असताना हृतिक-सबा प्रेम व्यक्त करण्यासाठी इतका का उशिर लावतायत अशी चर्चा देखील चाहत्यांमध्ये रंगली आहे.