IFFI 2022 Closing Ceremony: गोव्यातील यंदाचा इफ्फी शेवटच्या दिवशी चर्चेत आला. अन्यथा नेहमी प्रमाणे महोत्सव सुरु होता आणि तो संपलाही असता. तर रसिक, प्रेक्षक आणि चित्रपट अभ्यासक वगळता त्यावर फारशी चर्चा झाली नसती. यापूर्वी देखील इफ्फीच्या कित्येक महोत्सवानं अनेकांचे लक्ष वेधून घेतले आहे.

इफ्फीचा महोत्सव मोठ्या उत्साहात साजरा होत होता. गेल्या तीन ते चार दिवस जगभरातील उत्तमोउतम चित्रपटांची अवीट मेजवानी प्रेक्षकांनी अनुभवली त्याचे सार शेवटच्या दिवशी ज्युरी आपल्या भाषणातून सांगत होते. नदाव लॅपिड यांनी विवेक अग्निहोत्री दिग्दर्शित काश्मीर फाईल्सवर जी प्रतिक्रिया दिली त्यावरुन हा महोत्सव एकदम चर्चेत आला आहे. त्यांनी हा चित्रपट अश्लील, गलिच्छ असून तो प्रोपगंडा करणारा चित्रपट आहे असे म्हटले होते.

हेही वाचा - दुधाच्या प्लास्टिक पिशवीचा कापलेला छोटा कोपराही घडवेल अनर्थ...

नदाव यांची प्रतिक्रिया व्हायरल होताच त्यावर वेगानं प्रतिक्रिया व्हायरल झाल्या आहेत. मात्र यासगळ्यात एक गोष्ट पूर्णपणे दुर्लक्षित राहिली. ती म्हणजे टॉलीवूड चित्रपट क्षेत्रातील प्रसिद्ध अभिनेता चिरंजीवी यांना यावेळी ‘इंडियन फिल्म पर्सनॅलिटी ऑफ इयर’ या पुरस्कारानं गौरविण्यात आले होते. चिरंजीवीनं तीन दशकांहून अधिक काळ वेगवेगळ्या भाषेतील चित्रपटांमधून प्रेक्षकांचे मनोरंजन केले आहे. अशा दिग्गजाचा गौरव यावेळी करण्यात आला होता.

काश्मीर फाईल्सच्या प्रकरणात मात्र चिरंजीवीचे उस्फुर्त भाषण आणि त्याचा झालेला गौरव पूर्णपणे बाजुला पडल्याचे दिसून आले आहे. यावर नेटकऱ्यांनी वेगवेगळ्या प्रतिक्रिया दिल्या आहेत. त्यांनी आपल्या आवडत्या सेलिब्रेटीचं मनापासून कौतूक करता आले नाही त्याच्यावर कुणीही फारसं बोललं नाही. प्रसारमाध्यमांनी देखील त्याची दखल घेतली नाही. हे खूप वाईट आहे. अशी प्रतिक्रिया दिली आहे.

यासगळ्यात चिरंजीवीचं मनोगत चाहत्यांना जिंकून घेणारं ठरलं आहे. तो म्हणाला, मी आज जे काही त्यात माझ्या चाहत्यांचा वाटा महत्वाचा आहे. त्यांच्यामुळे मी आहे. मी त्यांचा गुलाम आहे. त्यांना आणि चित्रपटाला सोडून अन्य दुसऱ्या कुठल्या गोष्टीचा मी विचारही करु शकत नाही. मला अनेक राजकारणात येण्याविषयी विचारतात पण मला त्यांना तेच सांगायचे आहे की, चित्रपट सोडून राजकारणात येणार नाही.