Salman Khan Kissing Woman At IFFI 2023 Video: बॉलिवूडचा भाईजान सलमान खान हा गेल्या काही दिवसांपासून त्याच्या चित्रपटामुळे चर्चेत आहे. सलमान खानचा टायगर 3 हा सिनेमा दिवाळीच्या मुहूर्तावर प्रेक्षकांच्या भेटीला आला. सलमानसोबतच कतरिना आणि इम्रानने या चित्रपटात कमाल केली आहे.

नुकताच सलमान त्याची भाची अलिझेह अग्निहोत्रीसोबत भारतीय आंतरराष्ट्रीय चित्रपट महोत्सवात (IFFI 2023) सहभागी होण्यासाठी गोव्यात पोहोचला. सलमान खानला पाहण्यासाठी खुप गर्दी झाली मात्र यावेळी सलमानने केलेल्या कृतीचा एक व्हिडिओ सोशल मिडियावर तुफान व्हायरल झाला आहे.

सलमान खानने मंगळवारी ५४ व्या IFFI महोत्सवात हजेरी लावली. यावेळी सलमान खानसोबत सुरक्षारक्षकही दिसले. इफ्फीमध्ये पोहोचल्यानंतर सलमान खानने मीडियाशी संवाद साधला आणि रेड कार्पेटवर अनेक पोज देखील दिल्या.

आता या चित्रपट महोत्सवातील सलमानचा व्हायरल होत असलेल्या व्हिडिओत सलमान अचानक एका महिला पापाराझीकडे जातो आणि तिला मिठी मारताना दिसतो. सलमान तिच्या कपाळावर किस करतो आणि दोघांमध्ये मजेशीर संवाद देखील होतो.

ही महिला कोण आहे? असा प्रश्न अनेकांना पडला आहे. सलमान खानने ज्या महिलेला किस केले ती एक ज्येष्ठ पत्रकार आणि सलमानची चांगली मैत्रीण आहे. पापाराझींनी सलमान खानचा हा व्हिडिओ सोशल मीडियावर शेअर केला जो सध्या व्हायरल होत आहे.

सलमान खान त्याची भाची अलिझेह अग्निहोत्रीसाठी कार्यक्रमात आला होता. अलीझेह अग्निहोत्री फर्रे या चित्रपटातून बॉलिवूडमध्ये पदार्पण करणार आहे. IFFI 2023 मध्ये या रिलीजपूर्वी प्रीमियर करण्यासाठी या चित्रपटाची निवड करण्यात आली आहे. चित्रपटात अलिझेह अग्निहोत्रीसोबत प्रसन्न बिश्त, साहिल मेहता आणि जेन शॉ यांच्याही महत्त्वाच्या भूमिका आहेत.