Govinda Re Gopala News: 'माझी तुझी रेशीमगाठ' मधील छोट्याशा मायरानं प्रेक्षकांचे लक्ष वेधून घेतले आहे. तिनं सांगितलेल्या गोष्टी नेटकऱ्यांना भावल्या आहेत. मायराचं बोलणं, (Marathi Entertainment News) तिचे हावभाव, तिच्या बोलण्यातील चुणूक याचं सोशल मीडियावर नेहमीच कौतूक होत असतं. ती आता मोठी (Majhi tujhi Reshimgath) सोशल मीडिया सेलिब्रेटी झाली आहे. टीव्ही मनोरंजन विश्वातील त्या प्रसिद्ध मालिकेत काम करताना तिनं हजारो प्रेक्षकांची पसंती मिळवली आहे.

मायरानं दहीहंडी आणि तिचं नातं याविषयी सांगितलं की, आई बाबा नेहमीच आमच्यासाठी दही हंडीचा उत्सव साजरा करायचे. मला आठवतंय घरात ते छोटीशी दही हंडी बांधायचे आणि माझा भाऊ ती फोडायचा. तेव्हा मी दोन वर्षांची होते. मी दही हंडीच्या निमित्तानं वेगवेगळ्या कार्यक्रमांमध्ये देखील जायचे. त्याची मजा काही वेगळीच असते. जेव्हापासून लॉकडाऊन सुरु झाले तेव्हा मी खूप बोअर झाले. मात्र मी तेव्हा सोशल मीडियावर आम्ही बऱ्याच गोष्टी शिकलो. मी आणि माझा भाऊ इंस्टा कसे वापरायचे हेही आम्ही शिकलो. साम टीव्हीवरील मुलाखतीमधून मायरानं वेगवेगळ्या गोष्टींवर भन्नाट उत्तरं दिली आहेत.

यावेळी मायरानं माझी तुझी रेशीमगाठ मालिकेच्या सेटवरील धमाल गोष्टी सांगितल्या आहेत. मायराचा भाऊ सुद्धा मालिकेत येणार असल्याचं तिनं सांगितलंय. मराठी मनोरंजन विश्वात सध्याच्या घडीला लोकप्रिय असणारी मालिका म्हणून माझी तुझी रेशीमगाठ मालिकेचे नाव घेता येईल. या मालिकेनं अल्पावधीत मोठा प्रेक्षकवर्ग तयार केला आहे. मायरानं सोशल मीडियावर अॅक्टिव्ह असण्याबाबत सांगितलं की, आता लोकं ओळखतात, खूप खूप कौतूक करतात हे पाहून छान वाटतं. आपल्याला सगळे बघतात हे भारी आहे. असं मायरानं सांगितलं आहे.

गणपतीच्या वेळी देखील आम्ही जोरदार तयारी केली आहे. त्यासाठी खास गाणी तयार केली आहेत. छान सजावट करणार आहोत. गणपतीच्या आधी माझे एक गाणे येणार आहे. असंही मायरानं यावेळी सांगितलं. मी अजुन कुठल्या इव्हेंटला काही गेलेली नाही. पण मला जायला आवडेल. दही हंडीच्या बाबत जरा भीती वाटते. कुणी बोलावलं तर नक्की दही हंडी फोडेल असं मायरानं सांगिलंय...