'काटा लगा' या एका गाण्यामुळे अभिनेत्री शेफाली जरीवालाला (Shefali Jariwala) प्रचंड प्रसिद्धी मिळाली. सोशल मीडियावर तिचा मोठा चाहतावर्ग असून ती विविध फोटो, व्हिडीओ शेअर करत असते. शेफालीने 'बिग बॉस १३'मध्येही हजेरी लावली होती. त्यावेळीही ती चर्चेत आली होती. सध्या ती एका वेगळ्याच कारणामुळे सोशल मीडियावर चर्चेत आली आहे. शेफालीचा मुंबई विमानतळावरील एक व्हिडीओ सोशल मीडियावर व्हायरल होत आहे. नवीन वर्षाच्या सेलिब्रेशनसाठी ती न्यूयॉर्कला रवाना होत होती. विमानतळावर तिला सोडण्यासाठी पती पराग त्यागी (Parag Tyagi)आला होता. एअरपोर्टबाहेरील पापाराझींसाठी पोझ दिल्यानंतर शेफालीने परागसोबत लिपलॉक केला. हाच व्हिडीओ सोशल मीडियावर व्हायरल होत आहे.

परागला निरोप देताना तिने एअरपोर्टवरच त्याला किस केलं. शेफालीच्या या व्हिडीओवर नेटकऱ्यांच्या विविध प्रतिक्रिया येऊ लागल्या आहेत. 'कोरोनाच्या नियमांचा विसर पडला की काय', असं एकाने लिहिलं. तर 'सार्वजनिक ठिकाणी सेलिब्रिटींनी असं वागू नये', असं दुसऱ्याने म्हटलं.

शेफाली आणि परागने २०१४ मध्ये लग्न केलं. 'नच बलिए' या डान्स रिअॅलिटी शोच्या पाचव्या पर्वात ही जोडी झळकली होती. परागसुद्धा अभिनेता असून त्याने अनेक मालिका आणि चित्रपटांमध्ये भूमिका साकारल्या आहेत. शेफालीने सलमान खान, अक्षय कुमारसोबत 'मुझसे शादी करोगी' या चित्रपटात भूमिका साकारली होती. शेफालीने २००४ मध्ये संगीतकार हरमीत सिंगशी लग्नगाठ बांधली होती. मात्र २००९ मध्ये या दोघांचा घटस्फोट झाला. त्यानंतर २०१४ मध्ये तिने परागशी लग्न केलं.