Kangana Ranaut Bollywood actress Madhubala : बॉलीवूडची वाचाळ अभिनेत्री कंगना कधी काय बोलेल याचा भरवसा नाही. काही दिवसांपूर्वी तिनं बॉलीवूडचे प्रसिद्ध गीतकार जावेद अख्तर यांच्यावर कौतूकाचा वर्षाव करुन अनेकांना धक्का दिला होता. याचे कारण या दोन्ही सेलिब्रेटींमधील वाद कोर्टापर्यत गेला आहे. मात्र अख्तर यांनी पाकिस्तानात जाऊन तो सर्जिकल स्ट्राईक केला त्याची सध्या देशभर चर्चा आहे.

कंगनाचा इंदिरा गांधी यांच्या आयुष्यावरील चित्रपट आता प्रदर्शनासाठी तयार आहे. मात्र तो कंगनानं ऑक्टोबरच्या २० तारखेपर्यत प्रदर्शित करण्याचा निर्णय घेतला आहे. त्याचा फर्स्ट लूक आला होता तेव्हा त्यावर कौतूकाचा वर्षाव झाला होता. त्यातील कंगनाच्या भूमिकेचे, तिच्या लूकचे कौतूक केले होते. कंगनाच्या चित्रपटाविषयी अनेकांना कमालीची उत्सुकता आहे. यासगळ्यात तिनं पुन्हा एकदा आपल्या वक्तव्यानं अनेकांचे लक्ष वेधून घेतले आहे.

Also Read - ..ही काळजी घ्या नाहीतर खिसा होईल साफ!

कंगनानं थोड्यावेळापूर्वी बॉलीवूडचे बिग बी अमिताभ बच्चन यांच्यावर देखील टीका केली होती. आता बॉलीवूड माफियांच्या मिटींग व्हायला लागल्या. या शब्दांत कंगनानं आपल्या भावना व्यक्त केल्या. त्यानंतर तिनं आपली तुलना आता प्रसिद्ध अभिनेत्री मधुबाला यांच्याशी केली आहे. ती पोस्ट व्हायरल होताच कंगनावर सोशल मीडियातून टीका होताना दिसते आहे.

२३ फेब्रुवारी १९६९ मध्ये मधुबाला यांनी जगाचा निरोप घेतला. आपल्या सौंदर्यानं आणि अभिनयानं प्रेक्षकांच्या मनात घर करणाऱ्या मधुबाला यांच्या सौंदर्याचे लाखो चाहते होते. अल्पायुषी ठरलेल्या मधुबाला यांनी कमी वेळेत आपल्या अभिनयानं चाहत्यांची पसंती मिळवली होती. अशातच कंगनानं स्वताची तुलना मधुबालाशी केल्यानं नेटकऱ्यांनी तिच्यावर आगपाखड केली आहे.

कंगना आपण कोण आहोत, आपण कुणासोबत स्वताची तुलना करतो आहोत याचा विचार करण्याची गरज आहे. तू नेहमीच काहीही बोलून नेटकऱ्यांचे लक्ष वेधून घेते. बोलण्याअगोदर एकदा विचार करण्याची गरज आहे. असेही अनेकांनी कंगनाला सुनावले आहे.