कंगना रणौत हे मनोरंजन विश्वातलं असं नाव आहे जे कायम चर्चेत असतं. कंगना ही नेहमीच अनेक विषयावर तिचं परखड मत व्यक्त करत असते. मग ते राजकारण असो किंवा मनोरजंन विश्व तिची चर्चा तर होतेच. ती तिच्या पोस्ट आणि ट्विटवरुन अनेकांवर निशाणा साधत असते.

दरम्यान तिच एक वक्तव्य पुन्हा चर्चेत आलं. सध्या कंगना तिचा आगामी चित्रपट 'इमर्जन्सी'च्या रिलीजच्या तयारीत व्यस्त आहे. याच दरम्यान अभिनेत्री रविवारी हरिद्वारला पोहोचली. यावेळी तिने काली मंदिरात जाऊन गंगा आरती केली. तिने तिथे जावुन पुजापाठही केला मात्र या भेटीदरम्यान तिनं आगामी 2024 च्या लोकसभा निवडणुकीबाबतही प्रतिक्रिया व्यक्त केली.

2024 च्या लोकसभा निवडणुकीबद्दल कंगना जेव्हा विचारणा करण्यात आली त्यावेळी ती म्हणली की, कंगना म्हणाली, 'निवडणुकीबद्दल लोकांमध्ये खूप उत्सुकता आहे, पण 2024 मध्येही तेच घडेल जे 2019 मध्ये झाले होतं.' 2019 च्या लोकसभा निवडणुकीत, भारतीय जनता पक्षाच्या नेतृत्वाखाली राष्ट्रीय लोकशाही आघाडीने (NDA) 353 जागा जिंकल्या आणि सत्तेत परतले.

कंगनाबद्दल बोलायचं झालं तर ती राजकारणातही तितकीच सक्रिय दिसते. ती अनेक राजकिय मुद्यावर भाष्य करत असते. देशपातळीवर घडणाऱ्या अनेक घडामोडींवर ती पोस्ट करत असते. काही दिवसांपुर्वी ती आगामी निवडणूक लढवणार असल्याची चर्चानांही उधाण आले होते.

कंगनाने 2006 मध्ये 'गँगस्टर' चित्रपटातून बॉलिवूडमध्ये पदार्पण केले. कंगणाच्या वर्कफ्रंटबद्दल बोलायचं झालं तर कंगना लवकरच चंद्रमुखी 2 मध्ये दिसणार आहे. ब्लॉकबस्टर हिट तमिळ हॉरर कॉमेडी चित्रपट चंद्रमुखीचा हा पुढचा भाग असेल. कंगनाने नुकतेच 'इमर्जन्सी' चित्रपटाचे शूटिंग पूर्ण केले आहे. या चित्रपटात ती माजी पंतप्रधान इंदिरा गांधी यांची भूमिका साकारत आहे.