कन्नड अभिनेता चेतन कुमार याचे एक ट्विट सोशल मिडियावर व्हायरल झाले होते. या ट्विटमध्ये त्याने लिहिले होते की, हिंदुत्व हे 'खोट्यांच्या आधारे उभारले गेले आहे'. या ट्विटनंतर सोशल मिडियावर एकच गोंधळ उडाला होता.

दरम्यान आज चेतन कुमार याला बेंगळुरूमधील शेषाद्रिपुरम पोलिसांनी अटक केल्यांची बातमी समोर आली आहे.

काल चेतनने ट्विट केले होते की, हिंदुत्व हे खोट्या गोष्टींवर बांधलेले आहे. या ट्विटच्या आधारे शेषाद्रिपुरम पीएस येथे तक्रारही नोंदवण्यात आली होती. बजरंग दलाचे शिवकुमार यांनी त्यांच्या विरोधात फिर्याद दिली आहे. त्यानुसार ही करवाई करण्यात आली आहे.

चेतन कुमारच्या ट्विटमध्ये लिहिले आहे की, "हिंदुत्व हे खोट्याच्या आधारावर बांधले गेले आहे...

सावरकर: रामाने रावणाचा पराभव करून अयोध्येत परतल्यावर भारतीय राष्ट्राची सुरुवात झाली - खोटे

1992: बाबरी मशीद ही 'रामाची जन्मभूमी' आहे - खोटे

2023: उरीगौडा-नांजेगौडा हे टिपूचे 'मारेकरी' - खोटे

हिंदुत्वाचा सत्याने पराभव केला जाऊ शकतो - सत्य सर्वांसाठी समान आहे

कन्नड चित्रपट अभिनेता चेतन कुमारचं नाव याआधीही अनेक वादांमध्ये सामिल आहे. काही दिवसांपुर्वी त्याला हिजाब रो संदर्भातही अटक करण्यात आली होती. त्यावेळीही चेतन याने हिजाब प्रकरणाची सुनावणी करणाऱ्या न्यायाधीशांविरुद्धच आक्षेपार्ह ट्विट केला असा आरोप त्याच्यावर करण्यात आला होता.

त्यावेळीही त्याच्यावर आयपीसीच्या कलम ५०५(२) आणि ५०४ अंतर्गत एफआयआर नोंदवली आणि चेतन अहिंसा याला बेंगळुरू शहर पोलिसांनी अटक केली होती. आता पुन्हा त्याच्या या ट्विटने नवीन वादाला तोंड फोडले आहे.