Kantara Chapter 1: 'कांतारा' सिनेमा चांगलाच गाजला. कांतारा सिनेमाने अनपेक्षितपणे प्रेक्षकांचं प्रेम मिळवलं. 'कांतारा' ची संकल्पना, विषय, कथा, अभिनय अशा अनेक गोष्टींची प्रचंड चर्चा झाली.
आता 'कांतारा'च्या चाहत्यांसाठी खुशखबर. 'कांतारा' चा प्रिक्वेल म्हणजेच 'कांतारा चाप्टर 1' च्या फर्स्ट लूकची तारीख जाहीर झालीय. त्यामुळे 'कांतारा'च्या प्रिक्वेलची उत्सुकता शिगेला आहे.
(kantara chapter 1 prequel first look)
'कांतारा' चा प्रिक्वेलचा फर्स्ट लूक या दिवशी भेटीला येणार
ऋषभ शेट्टीचा 2022 च्या ब्लॉकबस्टर कांताराचा प्रीक्वेल, 27 नोव्हेंबरला मुहूर्त पूजेसह फ्लोरवर जाईल. चित्रपटासाठी भव्य सेट तयार करण्यात येत आहे. अभिनेता-दिग्दर्शक ऋषभ शेट्टी, निर्माते विजय किरगंडूर आणि इतर कलाकार आणि क्रू सदस्य मुहूर्त पूजेला उपस्थित राहणार आहेत.
मुहूर्ताच्या पूजेनंतर निर्माते डिसेंबरमध्ये चित्रपटाच्या शुटींगला सुरुवात होईल. याचदिवशी म्हणजेच २७ नोव्हेंबरला दुपारी १२.२५ वाजता चित्रपटाचा फर्स्ट लूक प्रेक्षकांच्या भेटीला येईल. ऋषभ शेट्टीने ही माहिती सर्वांसोबत शेअर केलीय.
कांतारा आणि प्रभासच्या सलारचे कनेक्शन
कांतारा २ आणि प्रसिद्ध अभिनेता प्रभासच्या सालारचे काही खास कनेक्शन आहे अशीही जोरदार चर्चा आहे. प्रभासचा सालार याच वर्षी डिसेंबरमध्ये प्रदर्शित होणार आहे. आता प्रभासच्या सलार आणि कांताराचं खरंच काही कनेक्शन आहे का, हे काहीच दिवसात स्पष्ट होईल.
कांतारा सिनेमाच्या पीरिअड ड्रामा प्रकाराने प्रेक्षक प्रभावित झाले होते. त्यातील ऋषभच्या अभिनयाचे कौतुक झाले होते. कांतारा प्रिक्वेलचा फर्स्ट लूक पाहायला प्रेक्षक उत्सुक आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.